ايماقتار • 18 ماۋسىم، 2021

ماڭعىستاۋدا اكىمدىك قىزمەتكەرى باسشىلارىن يىسسۋمەن «ساتىپ الماق» بولعان

18 رەت كورسەتىلدى

ماڭعىستاۋ وبلىسى مۇنايلى اۋدانىنىڭ كاسىپكەرلىك جانە اۋىل شارۋاشىلىعى ءبولىمى باسشىسىنىڭ مىندەتىن اتقارۋشى باقتيار قۋانىشبەكوۆ جينالىستا قولاستىنداعى قىزمەتكەرلەرىنە وبلىستاعى باسقارماداعى باسشىلاردىڭ كوڭىلىن قالاي تابۋدى ۇيرەتكەن، دەپ حابارلايدى Egemen.kz.

جينالىستا تۇسىرىلگەن ۆيدەو الەۋمەتتىك جەلىدە تارالىپ كەتتى.

اراعا ءبىراز ۋاقىت وتپەي وبلىستىڭ ەكى بىردەي باسقارما باسشىسى رەسمي شاعىم تۇسىرگەن.

«مۇنايلى اۋداندىق كاسىپكەرلىك جانە اۋىل شارۋاشىلىعى ءبولىمى باسشىسىنىڭ مىندەتىن اتقارۋشى ب.قۋانىشبەكتىڭ ارىپتەستەرىمەن اڭگىمەلەسكەن بەينەجازباسى سىبايلاس جەمقورلىققا شاقىرادى»، دەگەن ۆيدەودا اتتارى اتالعان باسقارما باسشىلارى.

مەملەكەتتىك قىزمەتشى ب.قۋانىشبەكتىڭ شىندىققا جاناسپايتىن اڭگىمەسى ايەلدەردىڭ ار-نامىسىنا نۇقسان كەلتىرەدى. وسىنىڭ ءبارىن ەسكەرە وتىرىپ، وبلىستىق كاسىپكەرلىك جانە ساۋدا باسقارماسىنىڭ باسشىسى ج.توقباەۆا مەن ينۆەستيتسيالار جانە ءتۋريزمدى دامىتۋ باسقارماسىنىڭ باسشىسى ۆ. مۇستاپاەۆا ۋاكىلەتتى ورگانداردان «سىبايلاس جەمقورلىققا قارسى ءىس-قيمىل تۋرالى» زاڭ مەن «قر مەملەكەتتىك قىزمەتشىلەرىنىڭ ەتيكالىق نورمالارى مەن مىنەز-ق ۇلىق قاعيدالارىن ودان ءارى جەتىلدىرۋ جونىندەگى شارالار تۋرالى» كودەكسكە سۇيەنە وتىرىپ، ب. قۋانىشبەككە قاتىستى قاتاڭ شارا قابىلداۋدى سۇراعان.

سونداي-اق الەۋمەتتىك جەلىدە مورالدىق زالال كەلتىرگەنى ءۇشىن ايىپپۇل سالۋ جانە رەسمي كەشىرىم سۇراۋ كەرەگى ايتىلعان.

قازىرگى ۋاقىتتا ءبولىم باسشىسىنىڭ مىندەتىن اتقارۋشىعا قاتىستى قىزمەتتىك تەكسەرۋ باستالدى.

سوڭعى جاڭالىقتار

ۇقساس جاڭالىقتار