وقيعا • 18 ماۋسىم، 2021

سوت اكادەميالىق ورىس دراما تەاترىنىڭ باسشىلارىنا قاتىستى ۇكىم شىعاردى

642 رەت كورسەتىلدى

نۇر-سۇلتان قالاسى الماتى اۋدانىنىڭ №2 اۋداندىق سوتى مەملەكەتتىك اكادەميالىق ورىس دراما تەاترىنىڭ باسشىلارىنا قاتىستى ۇكىم شىعاردى، دەپ حابارلايدى Egemen.kz.

بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ونلاين بريفينگىدە ايتتى.

«نۇر-سۇلتان قالاسى الماتى اۋدانىنىڭ №2 اۋداندىق سوتىنىڭ ۇكىمىمەن مەملەكەتتىك اكادەميالىق ورىس دراما تەاترىنىڭ ديرەكتورى 9 جىلعا باس بوستاندىعىنان ايىرىلدى. ديرەكتوردىڭ ورىنباسارى 2 جىلعا شارتتى تۇردە، «ادي-جان» جشس ديرەكتورى 8 جىلعا، «استانا-كوكشە» جشس ديرەكتورى 8 جىلعا، «ادس-ساپا» جشس تەحنيكالىق قاداعالاۋ ساراپشىسى 7 جىل 6 ايعا، «ست-ينجەنەرينگ» جشس تەحنيكالىق قاداعالاۋ ساراپشىسى 3 جىلعا شارتتى تۇردە باس بوستاندىعىنان ايىرىلدى»، دەدى دانيار بەكايداروۆ.

ونىڭ ايتۋىنشا، اتالعان ازاماتتاردىڭ ۇستىنەن تەاتر عيماراتىنا كۇردەلى جوندەۋ جانە قالپىنا كەلتىرۋ جۇمىستارىن جۇرگىزۋ كەزىندە جالپى سوماسى 402 ملن تەڭگە بيۋدجەت قاراجاتىن جىمقىرۋ فاكتىسى بويىنشا قىلمىستىق ءىس قوزعالعان بولاتىن.

 

سوڭعى جاڭالىقتار

ۇقساس جاڭالىقتار