فۋتبول • 18 ماۋسىم، 2021

EURO-2020: بۇگىن قاي قۇرامالار وينايدى؟

27 رەت كورسەتىلدى

بۇل كۇندەرى ەۋروپا جاسىل الاڭدارىندا فۋتبولدان قارت قۇرلىقتىڭ باستى دوداسى ءوتىپ جاتقانى بەلگىلى. بۇگىن ادەتتەگىدەي ەكىنشى تۋر اياسىندا جوسپارلانعان ءۇش ماتچ وتەدى، دەپ حابارلايدى Egemen.kz.

سەگىزىنشى جارىس كۇنىنىڭ شىمىلدىعىن ە توبىندا سىنعا تۇسەتىن شۆەتسيا جانە سلوۆاكيا قۇرامالارى اشىپ بەرەدى. العاشقى تۋردا سكانديناۆيالىقتار يسپانيا قۇراماسىمەن تەڭ تۇسسە (0:0)، سلوۆاكيا فۋتبولشىلارى سەنساتسيا جاساپ، لەۆاندوۆسكي باستاعان پولشا قۇراماسىن جەڭىپ كەتكەن بولاتىن (2:1). بۇگىنگى ويىندا شۆەتسياعا جەڭىس اۋاداي قاجەت ەكەنى بارشاعا تۇستىكتى. ال سلوۆاكيا ەرتەرەك توپتان شىعۋ ماسەلەسىن قاراستىراتىنى انىق.

بۇگىنگە دەيىن ەكى ۇجىم جاسىل الاڭدا التى رەت كەزدەسكەن. سونىڭ ۇشەۋىندە شۆەتسيا جەڭىسكە جەتسە، ءۇش ويىن تەڭ اياقتالعان. ەكى قۇراما اراسىنداعى سوڭعى ماتچ 2018 جىلدىڭ كۇزىندە وتكەن بولاتىن. جولداستىق كەزدەسۋ اياسىنداعى باسەكەدە 1:1 ەسەبى تىركەلگەن. ءبىر قىزىعى شۆەتسيا مەن سلوۆاكيا 60 جىلدىق تاريحى بار ەۋروپا چەمپيوناتىندا تۇڭعىش رەت كەزدەسكەلى تۇر. بۇل ماتچ QAZSPORT تەلەارناسىندا نۇر-سۇلتان ۋاقىتىمەن 19:00-دە باستالادى.

D توبىنىڭ وكىلدەرى حورۆاتيا مەن چەحيا گلازگودا ءۇش ۇپايعا تالاسادى. ءبىرىنشى تۋردا چەحيا شوتلانديادان 2:0 ەسەبىمەن باسىم تۇسكەن بولسا، حورۆاتيا قۇراماسى انگليادان 0:1 ەسەبىمەن جەڭىلىپ قالعان. بۇگىنگى ويىندا 2018 جىلعى الەمنىڭ ۆيتسە-چەمپيوندارى قالايدا ءۇش ۇپاي ولجالاۋ ءۇشىن بارىن سالادى. ەكى قۇراما اراسىندا وتكەن كەزدەسۋلەر تاريحىنا زەر سالار بولساق، بۇل حورۆاتيا مەن چەحيا اراسىنداعى ءتورتىنشى تەكەتىرەس. بۇعان دەيىنگى ءۇش ويىننىڭ بىرەۋىندە حورۆاتيا ۇستەمدىك تانىتسا، ەكى كەزدەسۋ تەڭ ەسەپپەن اياقتالعان. بۇل ويىندى ساعات 22:00-دە Qazaqstan تەلەارناسىنان تاماشالاي الاسىزدار.

ال D توبىنىڭ ەكىنشى ويىنىندا انگليا مەن شوتلانديا قۇرامالارى سىنعا تۇسەدى. لوندوندا وتەتىن كەزدەسۋدىڭ باستى ءفاۆوريتى اعىلشىندار ەكەنى ەشكىمگە سىر ەمەس. دەي تۇرعانمەن، ەۋروپا چەمپيوناتىنا كىل مىقتى قۇرامالار جينالعانىن، ونىڭ ۇستىنە بيىلعى بىرىنشىلىكتەگى ءتۇرلى سەنساتسيالاردى ەسكەرەر بولساق، شوتلانديا فۋتبولشىلارى قارسىلاستارىنا ءۇش ۇپايدى وڭاي بەرە سالمايدى. انگليا مەن شوتلانديا كەزدەسۋىن تۇنگى ساعات 01:00-دە Qazaqstan تەلەارناسىنان كورۋگە بولادى.

سوڭعى جاڭالىقتار

بەلگرادتا بەلدەسەدى

سپورت • بۇگىن، 09:06

جاپونيادا سىنعا تۇسەدى

سپورت • بۇگىن، 09:03

ەڭ باستىسى – ازاماتتاردىڭ سەنىمى

قازاقستان • بۇگىن، 08:43

Smart Zholy جەڭىمپازدارى انىقتالدى

قازاقستان • بۇگىن، 08:36

قۇندى قاعازعا قىزىعاتىندار كوپ

ەكونوميكا • بۇگىن، 08:32

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار