وقيعا • 17 ماۋسىم، 2021

ەسىرتكى سايتتارىن جارنامالاعان جاسوسپىرىمدەر قىلمىس ۇستىندە ۇستالدى

17 رەت كورسەتىلدى

ەسىرتكى سايتتارىن جارنامالاعان اتىراۋلىق جاسوسپىرىمدەر قىلمىس ۇستىندە ۇستالدى، دەپ حابارلايدى Egemen.kz.

17 ماۋسىم كۇنى تاڭعى ساعات 5:00 شاماسىندا پاترۋلدىك پوليتسيا قىزمەتكەرى تۇرعىندار قالاشىعى شاعىن اۋدانىندا بەلگىسىز ەكى جىگىتتىڭ قابىرعاعا باللوندى بوياۋ ارقىلى جازبا سالىپ جاتقاندىعىن بايقايدى. ماسەلەنىڭ ءمان-جايىن انىقتاعان پوليتسەيلەر ولاردىڭ كامەلەت جاسقا تولماعاندىقتارىن انىقتادى. 

ال قابىرعاعا سالعان جازبالارى ەسىرتكى سايتتارىنىڭ اتاۋلارى ەكەندىگى دالەلدەندى. جانە دە جاسوسپىرىمدەردىڭ وسىنداي جازبانى قالانىڭ بىرنەشە اۋدانىندا دا جازعاندىعى ولاردىڭ ۇيالى تەلەفونىنداعى فوتوسۋرەتتەر ارقىلى بەلگىلى بولدى.

قازىرگى ۋاقىتتا اتالعان جاسوسپىرىمدەردىڭ قىلمىسى بويىنشا تەرگەۋ امالدارى جۇرگىزىلۋدە. ال، تۇنگى ۋاقىتتا بالالارىن قاراۋسىز جىبەرگەن اتا-انالارىنا قاتىستى قر اقبتك-ءتىڭ 442-بابى بويىنشا اكىمشىلىك حاتتاما تولتىرىلدى.

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار