الەم • 17 ماۋسىم، 2021

بەيجىڭدە قازاقستان-قىتاي ينۆەستيتسيالىق دوڭگەلەك ۇستەلى ءوتتى

35 رەت كورسەتىلدى

قازاقستاننىڭ قحر-داعى ەلشىلىگىندە قازاقستان – قىتاي ىسكەرلىك كەڭەسىنىڭ اياسىندا «تاۋ-كەن ونەركاسىبىندەگى ەكىجاقتى ينۆەستيتسيالىق ىنتىماقتاستىعى» تاقىرىبىندا دوڭگەلەك ۇستەل ءوتتى، دەپ حابارلايدى Egemen.kz.

دوڭگەلەك ۇستەل جۇمىسىندا ەكى ەلدىڭ 60-تان استام كومپانيالار مەن ۇيىمداردىڭ، سونداي-اق مەملەكەتتىك ورگانداردىڭ، ونىڭ ىشىندە قازاقستاندىق تاراپتان – سىرتقى ىستەر، يندۋستريا جانە ينفراقۇرىلىمدىق دامۋ مينيسترلىكتەرىنىڭ، «سامۇرىق – قازىنا» ۇاق، «استانا» حالىقارالىق قارجى ورتالىعىنىڭ، «Kazakh Invest»، «تاۋ-كەن سامرۇق» جانە «قازگەولوگيا» ۇلتتىق كومپانيالارىنىڭ، قىتايلىق تاراپتان – «China Nonferrous Metals Industry Association»، «Jiangxi Copper Industry Group Ltd»، «Jiangxi Tungsten Industry Holding Group Co.. Ltd»، «China Railway Third Bureau Group Co. Ltd»، «Minmetals Nonferrous Metals Co. Ltd»، «Western Mining Group Co. Ltd» جانە ت.ب. وكىلدەرى قاتىستى.

ءىس-شاراعا قاتىسۋشىلاردىڭ الدىندا قازاقستاننىڭ سىرتقى ىستەر ءمينيسترىنىڭ ورىنباسارى الماس ايداروۆ بەينە بايلانىس فورماتىندا العى ءسوز سويلەدى. سونداي-اق دوڭگەلەك ۇستەل بارىسىندا قازاقستاندىق ۇلتتىق كومپانيالاردىڭ باسشىلارى قر-دىڭ ينۆەستيتسيالىق مۇمكىندىكتەرىن، ينۆەستيتسيالاردى قولداۋ سالاسىنداعى جاڭا شارالارى مەن مەملەكەتتىك ساياساتىن، سونداي-اق ەلىمىزدىڭ تاۋ-كەن ونەركاسىبىندەگى الەۋەتىن تانىستىردى.

قىتاي كومپانيالارىنىڭ وكىلدەرى ءوز تاراپىنان جينالعانداردى ولاردىڭ قىزمەت اياسىمەن تانىستىردى، تاۋ-كەن سالاسىنداعى قازاقستان-قىتاي ينۆەستيتسيالىق ىنتىماقتاستىعىن ودان ءارى دامىتۋ تۋرالى ءوز كوزقاراستارىن ۇسىندى، سونداي-اق قازاقستاندىق تاراپپەن جاڭا بىرلەسكەن جوبالاردى جۇزەگە اسىرۋعا قىزىعۋشىلىق تانىتتى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار