ءبىلىم • 17 ماۋسىم، 2021

بيىل 10 مىڭعا جۋىق تۇلەك «التىن بەلگى» يەگەرى اتاندى

212 رەت كورسەتىلدى

2020-2021 وقۋ جىلىنىڭ قورىتىندىسى بويىنشا 9 738 تۇلەك «التىن بەلگى» يەگەرى اتاندى. بۇل وتكەن جىلدارمەن سالىستىرعاندا رەكوردتىق كورسەتكىش. 2019 جىلى توسبەلگىنى 7 349 وقۋشى، 2020 جىلى 8 615 وقۋشى يەلەنگەن بولاتىن، دەپ حابارلايدى Egemen.kz.

بيىل «التىن بەلگى» يەگەرى اتانعان تۇلەكتەردىڭ باسىم بولىگى تۇركىستان (1 856)، الماتى (1 432) جانە شىعىس قازاقستان (738) وبلىستارىنان. ەرەكشە ۇلگىدەگى اتتەستات يەگەرلەرى سالتاناتتى ءىس-شارا بارىسىندا ماراپاتتالدى.

«9 738 ۇمىتكەر قورىتىندى اتتەستاتتاۋ بارىسىندا ءوز بىلىمدەرىن دالەلدەپ، «التىن بەلگى» يەگەرى اتاندى. بۇل تۇلەكتەردىڭ جالپى سانىنىڭ 6،2% قۇرايدى. مەكتەپ وقۋشىلارىنىڭ سانى جىل سايىن ارتىپ كەلەدى. وسىعان بايلانىستى، جاقسى كورسەتكىشتەرگە جەتكەندەردىڭ سانى دا ءوسىپ جاتىر. سونىمەن قاتار تاعى قۋانتارلىق ءجايت — «التىن بەلگى» يەگەرلەرىنىڭ كوبى مۇعالىم ماماندىعىن تاڭداپ جاتىر. بولاشاقتا ءدال وسىنداي وقۋشىلارىمىز مۇعالىمدەردىڭ قاتارىن تولىقتىرسا، نۇر ۇستىنە نۇر»،  دەپ اتاپ ءوتتى قر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا.

بيىل «التىن بەلگىگە» ۇمىتكەرلەردىڭ ەمتيحان جۇمىستارىن مەكتەپتەر ەمەس، ءبىلىم باسقارمالارى جانىنداعى كوميسسيالار قاراعانىن ايتا كەتكەن ءجون. كوميسسيا قۇرامىنا بىلىكتى ءارى تاجىريبەلى ءپان مۇعالىمدەرى كىرەدى. قۇرىلعان كوميسسيانىڭ شەشىمىنەن كەيىن عانا وقۋ وزاتتارىنىڭ ءتىزىمى بەكىتىلدى. بۇل «التىن بەلگى» تاعايىنداۋ ءراسىمىنىڭ اشىقتىعىن قامتاماسىز ەتىپ، سىبايلاس جەمقورلىق تاۋەكەلدەرىن جويادى.

جالپى بيىل قازاقستاندىق وقۋشىلار الەمدىك زياتكەرلىك بايقاۋلارعا قاتىسىپ 67 التىن، 125 كۇمىس جانە 195 قولا مەدال جەڭىپ الدى. سونىمەن بىرگە حالىقارالىق ارەنادا ءوز بىلىمدەرىن كورسەتتى. قازاقستان الەمنىڭ 110 ەلىنىڭ اراسىندا بەيرەسمي كوماندالىق ەسەپتە ۇزدىك وتىزدىققا كىردى. 1998 جىلى قازاقستان 50-ءشى ورىندا بولعان ەدى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار