جانداربەك بەكشين ەپيدەميالىق جاعدايدىڭ تۇراقتانا باستاعان كەزىندە تۇرعىنداردىڭ ۆاكتسينالانۋى ماڭىزدى ەكەنىن اتاپ ءوتتى. سونداي-اق سانيتارلىق شارالاردى ساقتاۋ قاجەتتىگىن ەسكە سالدى.
«الماتى 12 ماۋسىمنان باستاپ «جاسىل» ايماقتا تۇر. ايدىڭ باسىنان بەرى كوروناۆيرۋس اۋرۋى 2 ەسە ازايدى. سوڭعى تاۋلىكتە كۆي-ءدىڭ 112 جاعدايى تىركەلدى, ال تاۋلىكتىك ءوسىم 0,1%-عا تومەندەدى», دەدى ج. بەكشين.
الماتى قالاسىندا ەپيدەميا باستالعالى كۆي-ءدىڭ 71 820 جاعدايى, ال وسى جىلدىڭ باسىندا 53 مىڭنان استام جاعداي تىركەلگەنىن ايتتى.
«حالىقتىڭ 100 مىڭىنا شاققاندا اۋرۋ دەڭگەيىنىڭ تومەندەۋ ديناميكاسى تۇراقتى, سوڭعى 7 كۇندە 64,7-دەن 39,8-گە دەيىن ازايدى, رەپرودۋكتيۆتى سان 0,79 دەڭگەيىندە تۇراقتاندى, بۇل «جاسىل ايماق» ولشەمدەرىنە ساي», دەپ ءتۇسىندىردى الماتى قالاسىنىڭ باس سانيتارلىق دارىگەرى.
ج. بەكشين 19 ماۋسىمنان باستاپ كۇشىنە ەنەتىن الماتى قالاسىنىڭ مەملەكەتتىك باس سانيتارلىق دارىگەرىنىڭ جاڭا قاۋلىسىنىڭ دايىن ەكەنىن ايتتى. جاڭا قۇجاتقا سايكەس بيزنەس ءۇشىن بىرقاتار جەڭىلدىكتەر بەلگىلەنگەن.
الماتى
