ايماقتار • 17 ماۋسىم، 2021

شىمكەنتتە مەديتسينا قىزمەتكەرلەرى ماراپاتتالدى

74 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ مەديتسينا قىزمەتكەرلەرىنىڭ كاسىبي مەرەكەسىنە وراي سالا ماماندارىن ماراپاتتادى، دەپ حابارلايدى Egemen.kz.

 

بۇگىندە بۇكىل الەم جۇرتشىلىعى دارىگەر اتتى جاۋاپتى دا ماڭىزدى ماماندىق يەلەرىنىڭ كومەگىنە مۇقتاج بولىپ وتىر.

سەبەبى جەر جاھاندى جايلاعان كوروناۆيرۋس دەرتى كۇننەن كۇنگە ۇدەپ، سان مىڭداعان ادامنىڭ تاعدىرىن جالماعان قاۋىپتى دەرتكە اينالىپ ۇلگەردى. وسى قارۋسىز مايداندا الدىڭعى شەپتە ارپالىسىپ، ادام جانىنىڭ اراشاسى بولىپ جۇرگەندەردىڭ ەڭبەگى وراسان زور ەكەنى بەلگىلى.

وسىعان وراي شىمكەنت قالاسىنىڭ اكىمى مۇرات ايتەنوۆ مەديتسينا قىزمەتكەرلەرىنىڭ كاسىبي مەرەكەسىمەن سالا ماماندارىن ماراپاتتادى. مەديتسينا سالاسىنا قوسقان جوعارى ۇلەسى ءۇشىن 5 قىزمەتكەرگە شىمكەنت قالاسى اكىمىنىڭ العىس حاتى، 5 ازاماتقا «ەڭبەك ارداگەرى» مەدالى، 8 مامانعا «دەنساۋلىق ساقتاۋ ءىسىنىڭ ۇزدىگى» ءتوس بەلگىسى، 5 دارىگەرگە «دەنساۋلىق ساقتاۋ ىسىنە قوسقان ۇلەسى ءۇشىن» ءتوس بەلگىسى تابىستالدى.

- 2020-2021 جىلدار مەديتسينا سالاسى ءۇشىن وتە اۋىر بولدى. سىن ساعاتتا مەديتسينا قىزمەتكەرلەرى اجالمەن ارپالىسىپ، اۋىر بەينەتتىڭ ورتاسىندا ءجۇردى. وتكەن جىلى دارىگەرلەر كاسىبي مەرەكەلەرىن تويلاعان جوق. وعان مۇمكىندىك تە بولعان جوق. سىزدەرگە ۇلكەن مىندەتتەر قويىلىپ، سونىمەن بىرگە مەملەكەت تاراپىنان قولداۋ دا كورسەتىلىپ كەلەدى. كوروناۆيرۋس ىندەتىنە قارسى كۇرەستە جانكەشتى ەڭبەكتەرىڭىز ءۇشىن العىس ايتامىن! - دەگەن شاھار باسشىسى سالا ۇزدىكتەرىنىڭ قىزمەتىنە ساتتىلىك تىلەدى.

سونىمەن قاتار تاۋەلسىزدىك جىلدارىنداعى مەديتسينا سالاسىنىڭ جەتىستىكتەرىن اتاپ ءوتتى. دەنساۋلىق ساقتاۋ سالاسىنداعى بيۋدجەت 30 جىلدا 50،8 ملن.تەڭگەدەن 79،1 ملرد. تەڭگەگە دەيىن وسكەن. 3000 بىرلىكتەن استام مەديتسينالىق تەحنيكا ساتىپ الىنعان. بۇگىنگى كۇنى قالانىڭ مەديتسينالىق ۇيىمدارىنىڭ جاراقتاندىرىلۋى 25،3 پايىزدان رەسپۋبليكالىق كورسەتكىشكە 77،5 پايىزعا دەيىن جەتكىزىلدى. دارىگەرلەر سانى 1991 جىلعى 2205 دارىگەردەن 2021 جىلى 4205-كە دەيىن ءوستى. انا ءولىمى 10 ەسەگە، نارەستەلەر ءولىم-ءجىتىمى 3 ەسەگە تومەندەدى. تۋبەركۋلەزدەن بولاتىن ءولىم-ءجىتىم كورسەتكىشى 100 مىڭ تۇرعىنعا شاققاندا 7،7-دەن 0،9-عا دەيىن تومەندەدى. ناتيجەسىندە حالىقتىڭ كۇتىلەتىن ورتا جاسى ون جىلعا ءوسىپ، 70 جاستان استى.

مەرەكەلىك شارا سوڭى دارىگەرلەر تۋرالى دەرەكتى فيلم جانە كونتسەرتتىك نومىرلەرمەن ۇلاستى.

سوڭعى جاڭالىقتار

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار