بقو پوليتسيا دەپارتامەنتىنىڭ ءباسپاسوز قىزمەتىنەن تۇسكەن مالىمەتكە قاراعاندا, وقيعا 16 ماۋسىم كۇنى ساعات 18.15-تە ورال-تاسقالا جولىنىڭ 26-شاقىرىمىندا بولدى.
«ۋاز» (جەدەل جاردەم) كولىگىنىڭ 35 جاستاعى جۇرگىزۋشىسى جول قوزعالىسى قاۋىپسىزدىگىن قامتاماسىز ەتپەگەن. ءسويتىپ الدا 1973 جىلعى جۇرگىزۋشى ايداپ بارا جاتقان تراكتور - ەكسكاۆاتورمەن سوقتىعىسۋعا جول بەرگەن.
جول اپاتى سالدارىنان «ۋاز» اۆتوكولىگىندە وتىرعان 1966 جانە 1981 جىلعى ايەل ادامدار ورال قالاسىنداعى وبلىستىق كوپبەيىندى اۋرۋحاناعا جەتكىزىلدى.
كولىكتەر ارنايى تۇراققا قويىلدى. قازىرگى كەزدە قر قك 345-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.
