ء«ورتتىڭ تارالۋىن جانە قايتالانۋىن بولدىرماۋ ءۇشىن گازبەن جابدىقتاۋ پروتسەسى كىلت توقتاتىلدى جانە اپاتتىق جاعدايعا بايلانىستى قوندىرعى تولىق اجىراتىلدى. ساعات 23.52-دە ءورت تولىعىمەن ءسوندىرىلدى. قۇرباندار مەن زارداپ شەككەندەر جوق», دەيدى كومپانيانىڭ ءباسپاسوز قىزمەتى.
ءورتتى سوندىرۋگە قازگوز, «وزەنمۇنايگاز» اق جانە وبلىستىق توتەنشە جاعدايلاردى دەپارتامەنتىنىڭ 5 ءورت ءسوندىرۋ توبى جۇمىلدىرىلدى.
جەكە قۇرامنىڭ, سونداي-اق جاڭاوزەن قالاسى مەن جاقىن ەلدى مەكەن تۇرعىندارىنىڭ ءومىرى مەن دەنساۋلىعىنا قاۋىپ تونگەن جوق.
قازىرگى ۋاقىتتا ءورتتىڭ سالدارىن جويۋ جۇمىستارى جۇرگىزىلىپ, ءورتتىڭ سەبەپتەرى انىقتالىپ جاتىر.
«قازمۇنايگاز» ۇك اق-دا كومپانيانىڭ باسقارما توراعاسى اليك ايدارباەۆتىڭ باسشىلىعىمەن جەدەل شتاب قۇرىلدى. جەدەل شتابتىڭ قۇرامىنا ءتيىستى قۇرىلىمدىق بولىمشەلەردىڭ قىزمەتكەرلەرى كىرگەن.
