پرەزيدەنت • 16 ماۋسىم، 2021

قازاقستان QazVac ۆاكتسيناسىن گۋمانيتارلىق كومەك رەتىندە ۇسىنۋعا دايىن – توقاەۆ

17 رەت كورسەتىلدى

بۇل تۋرالى قاسىم-جومارت توقاەۆ يسلام ىنتىماقتاستىعى ۇيىمىنىڭ (يىۇ) عىلىم جانە تەحنولوگيا جونىندەگى ەكىنشى سامميتىندە ايتتى، دەپ حابارلايدى، Egemen.kz.

 

پرەزيدەنت قازاقستاننىڭ كوروناۆيرۋس ىندەتىنە قارسى QazVac ۆاكتسيناسىن ازىرلەگەنى جانە ونىڭ قازىرگى ۋاقىتتا ددسۇ-دا ماقۇلداۋ راسىمىنەن ءوتىپ جاتقانى جونىندە مالىمدەدى. 

«قازاقستان يىۇ-عا مۇشە ەلدەرگە گۋمانيتارلىق كومەك رەتىندە ءوز ۆاكتسيناسىن ۇسىنۋعا دايىن بولادى. سونىمەن قاتار ءبىز QazVac ۆاكتسيناسىن يسلام ىنتىماقتاستىعى ۇيىمىنا مۇشە وزگە دە ەلدەردە ءوندىرۋ مۇمكىندىگىن قاراستىرا الامىز»، دەدى مەملەكەت باسشىسى.

قاسىم-جومارت توقاەۆ عىلىمي زەرتتەۋلەر مەن ازىرلەمەلەر بويىنشا كەشەندى ءارى زاماناۋي ينفراقۇرىلىمنىڭ بار ەكەنىن اتاپ ءوتىپ، عىلىمي جەتىستىكتەر مەن تەحنولوگيالاردى كەڭ تۇردە بولىسۋگە دايىن ەكەنىن جەتكىزدى.

ء«بىزدىڭ اكادەميالىق جانە عىلىمي-زەرتتەۋ ينستيتۋتتارىمىزدىڭ فلاگمانى سانالاتىن نازارباەۆ ۋنيۆەرسيتەتى، سونداي-اق، Astana IT ورتالىعى جاساندى ينتەللەكت، Big Data جانە كيبەر قاۋىپسىزدىك  سالالارىنداعى بىرلەسكەن عىلىمي-زەرتتەۋ جۇمىستارى مەن تاجىريبەلىك-كونسترۋكتورلىق جوبالار ءۇشىن بازا قالىپتاستىرا الادى»، دەدى پرەزيدەنت.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار