مەديتسينا • 16 ماۋسىم، 2021

قازاقستاننىڭ ۆاكتسيناتسيا پاسپورتى قاي ەلدەرگە جارامدى

47 رەت كورسەتىلدى

قازاقستاننىڭ ۆاكتسيناتسيا پاسپورتى قاي ەلدەرگە جارامدى؟ بۇل ساۋالعا قر دەنساۋلىق ساقتاۋ ءمينيسترى الەكسەي تسوي جاۋاپ بەردى، دەپ حابارلايدى Egemen.kz.

«قازىرگى ۋاقىتتا ءۇش ەل ۆاكتسيناتسيا پاسپورتىن ەكىجاقتى فورماتتا مويىنداۋ تۋرالى نيەت ءبىلدىردى. ياعني، موڭعوليا، ۆەنگريا جانە تايلاند پاسپورتتاردى ءوزارا مويىنداۋ تۋرالى وتىنىشپەن جۇگىندى. بۇگىندە ولارمەن جۇمىس ىستەپ جاتىرمىز. بۇعان قوسا، تۇركيا، كيپر سىندى ەلدەر بارلىق ەلدىڭ ۆاكتسيناتسيا پاسپورتىن مويىندايدى»، دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا.

ونىڭ اتاپ وتۋىنشە، ەلىمىزدىڭ سىرتقى ىستەر مينيسترلىگى شەت مەملەكەتتەرمەن ۆاكتسيناتسيا پاسپورتىن ءوزارا مويىنداۋ ماسەلەسىن پىسىقتاپ جاتىر.

«بىراق، بۇعان قاتتى ارقا سۇيەۋدىڭ قاجەتى جوق. ويتكەنى، ءىس جۇزىندە كەز كەلگەن ەلگە قولىڭدا پتر-تەست ناتيجەسى بولسا بارا الاسىڭ. ءسىز ەلگە ەمىن-ەركىن كىرە الاسىز. سوندىقتان بۇل جەردە ەشقانداي پروبلەما بولماۋى ءتيىس»، دەدى الەكسەي تسوي.

 

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار