مەديتسينا • 16 ماۋسىم، 2021

بارلىق ازاماتتارعا ەكپەنى بەلسەندى تۇردە الۋعا كەڭەس بەرەمىز – الەكسەي تسوي

4139 رەت كورسەتىلدى

قازاقستاندا شامامەن 800 ادام كوروناۆيرۋستى قايتا جۇقتىرىپ الدى. بۇل تۋرالى قر دەنساۋلىق ساقتاۋ ءمينيسترى الەكسەي تسوي ايتتى، دەپ حابارلايدى Egemen.kz.

«ەگەر ادام ءبىر رەت اۋىرسا، قايتادان اۋىرمايدى دەگەن تۇسىنىك مۇلدەم قاتە. مۇنى ءتۇسىنۋىمىز قاجەت. قازاقستاندا قازىرگى ۋاقىتتا شامامەن 800 ادام كوروناۆيرۋسپەن قايتادان اۋىرىپ قالعان. ولار ۆاكتسينا الماعان بولاتىن.

جالپى، بۇل تەك قازاقستاندا عانا ەمەس وزگە دە ەلدەرگە ءتان ءۇردىس. ەۋروپادا جانە وزگە دە ەلدەردە مىڭداعان ادام قايتادان اۋىرىپ جاتىر»، - دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا. ونىڭ اتاپ وتۋىنشە، ءوزىڭدى جانە جانىڭداعى ادامداردى قورعاۋ ءۇشىن ۆاكتسينا العان دۇرىس. اسىرەسە، ءبىرىنشى كەزەكتە 60 جاستان اسقان جانە سوزىلمالى اۋرۋلارى بار ازاماتتار ەكپە العانى ءجون.

ء«بىز بارلىق ازاماتتارعا ەكپەنى بەلسەندى تۇردە الۋعا كەڭەس بەرەمىز. ينفراقۇرىلىمدىق تۇرعىدا العاندا قازاقستاننىڭ ءاربىر وڭىرىندە، ءتىپتى ساۋدا ورتالىقتارىندا ەكپە پۋنكتتەرى اشىلعان. وزدەرىڭىز دە دۇربەلەڭ جوق ەكەنىن كورىپ وتىرسىز. ەلىمىزدىڭ بارلىق ازاماتى تەگىن ۆاكتسينانىڭ تيەسىلى دوزانى ەمىن-ەركىن سالدىرا الادى»، دەدى الەكسەي تسوي.

 

 

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار