قر ۇلتتىق ۇلانى «باتىس» وڭىرلىك قولباسشىلىعىنىڭ ءباسپاسوز قىزمەتى ءمالىم ەتكەنىندەي, وقيعا 16 ماۋسىم كۇنى شامامەن تاڭعى ساعات 05.30-دا بولدى.
اقتوبە قالاسىنان شاقىرىلعان 5517-اسكەري ءبولىمىنىڭ مەرزىمدى قىزمەت اسكەري قىزمەتشىسى, قاتارداعى جاۋىنگەر ق. قاراۋىلدا قىزمەت اتقارۋ كەزىندە بەكىتىلگەن قارۋدان يەگىنە وق اتىپ, ءوزىن-ءوزى جارالادى. جەدەل جاردەم بريگاداسىمەن اسكەري قىزمەتشى اۋرۋحاناعا جەتكىزىلدى.
مەديتسينا قىزمەتكەرلەرى شۇعىل قولدانعان شارالارعا قاراماستان, قاتارداعى جاۋىنگەردى امان الىپ قالۋ مۇمكىن بولمادى.
«باتىس» وڭىرلىك قولباسشىلىعى مارقۇمنىڭ تۋما-تۋىسقاندارىنا قايعىلارىنا ورتاقتاسىپ, كوڭىل ايتادى. بقو دەنساۋلىق ساقتاۋ باسقارماسى ءباسپاسوز قىزمەتىنىڭ ناقتىلاۋىنشا, 2000 جىلعى اسكەري قىزمەتشى يەك تۇسىنان وق جاراقاتىن الىپ, وبلىستىق كوپبەيىندى اۋرۋحانانىڭ جانساقتاۋ بولىمىنە تۇسكەن.
