وقيعا • 16 ماۋسىم، 2021

پاۆلوداردا ۋسولكا وزەنىنىڭ ءتۇسى وزگەرىپ كەتتى

49 رەت كورسەتىلدى

الەۋمەتتىك جەلىدەگى پاراقشالاردا جەلى قولدانۋشىلارى ۋسولكا وزەنىنىڭ ءتۇسى وزگەرگەنى تۋرالى جارىسا جازدى، دەپ  حابارلايدى Egemen.kz.  اتالعان وقيعاعا بايلانىستى رavlodarnews.kz سايتى اقپارات تاراتتى.

- ۋسولكانى تۇسىنىكسىز جانە ساسىق شىرىش باستى! بۇل بالدىرلار ەمەس. نە بولىپ جاتىر؟ نەگە بارلىعى ءۇنسىز وتىر؟ ءبىز ەرتىسكە  دەيىن جەتتىك جانە سول جەرگە دەيىن ءبارى جاسىل! قورقىنىشتى. كامەرادا دۇرىس كورىنبەيدى، بىراق اشىق كوك، جاسىل جانە اشىق قىزىل ءتۇس سۋدا انىق بايقالادى... ەندى ۋسولكادا شومىلۋ نەمەسە بالىق اۋلاۋ مۇمكىن ەمەس، - دەپ جازادى جەلى قولدانۋشىلارىنىڭ ءبىرى.

بۇل جاعدايعا قاتىستى پاۆلودار وبلىسى بويىنشا ەكولوگيا دەپارتامەنتى پىكىر ءبىلدىردى.

- اعىمداعى جىلدىڭ 7 ماۋسىمىندا ەرتىس وزەنىندەگى سۋدىڭ بەتى مەن ەرتىس وزەنىنىڭ تارماعى ۋسولكا وزەنىنەن سىنامالار الىنعان. ۋسولكا شاعىن اۋدانىنداعى كوپىر ماڭىنداعى سۋ جاسىل بالدىرلارمەن لاستانعانى انىقتالدى،  سالدارىنان  سۋدىڭ جوعارعى قاباتىنداعى ءتۇسى اشىق جاسىل تۇسكە بويالعان.  زەرتحانالىق-ساراپتامالىق باقىلاۋ ءبولىمىنىڭ سىناق زەرتحاناسى ۋسولكا جانە ەرتىس وزەندەرى سۋىنىڭ جوعارى قاباتىنا 25 كورسەتكىش بويىنشا زەرتتەۋلەر جۇرگىزدى. سىناق ناتيجەلەرى بويىنشا ۋسولكا وزەنىندە وبش (وتتەگىنىڭ بيولوگيالىق شىعىنى) بويىنشا نورماتيۆتەن اسىپ كەتۋ تىركەلدى (0،38 مگو/دم3). بۇل سۋ قويماسىنىڭ از كولەمدە اعۋىنا بايلانىستى كوك-جاسىل بالدىرلاردىڭ وتتەگىن تۇتىنۋدى كوبەيتكەنىن كورسەتەدى. ەرتىس وزەنىندە شجك اسىپ كەتكەنى انىقتالعان جوق، - دەيدى دەپارتامەنتتەگىلەر.

 
سوڭعى جاڭالىقتار

جەڭىس داۋىسى

تاريح • بۇگىن، 23:43

سۋرەتشى ساياساتكەر

ونەر • بۇگىن، 23:17

تورتەۋ تۇگەل بولسا...

TOKYO2020 • بۇگىن، 23:10

ەل ەلەناعا ەلەڭدەپ ەدى...

TOKYO2020 • بۇگىن، 22:59

قايتا ورالعان قولجازبالار

ونەر • بۇگىن، 22:16

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار