ايماقتار • 16 ماۋسىم، 2021

نۇر-سۇلتاندا 403 وقۋشى «التىن بەلگى» يەگەرى اتاندى

12 رەت كورسەتىلدى

نۇر-سۇلتاندا 403 وقۋشى «التىن بەلگى» يەگەرى اتاندى. ودان بولەك 367 وقۋشى مەكتەپتى ۇزدىك اياقتادى. بۇل تۋرالى ەلوردا اكىمى التاي كولگىنوۆ Instagram پاراقشاسىندا ءمالىم ەتتى، دەپ حابارلايدى Egemen.kz.

«مەكتەپ تۇلەكتەرىنىڭ الدىنا بۇدان دا اناعۇرلىم ماڭىزدى ماقساتتار قوياتىن كەز كەلدى. ولاردىڭ ءومىرىنىڭ جاڭا كەزەڭى باستالۋدا. بۇل، راسىندا، تولعانىسقا تولى ءارى جۇرەگىڭ تۋلاپ، قوبالجيتىن ءسات. جاستاردىڭ كوبى قازىردەن-اق ۇنايتىن ماماندىقتارىن تاڭداپ قويدى جانە سول جولدا ماقساتتارىنا قادامداپ جەتەتىن بولادى. 

«التىن بەلگى» يەلەرىن قۇتتىقتادىم. ولاردىڭ سانى – 403 وقۋشى. ودان بولەك، 367 وقۋشى مەكتەپتى ۇزدىك اياقتادى. بۇل وقۋ جىلى بارىنە وڭاي تيگەن جوق، سوعان قاراماستان ءبىزدىڭ وقۋشىلار رەسپۋبليكالىق وليمپيادالار مەن بايقاۋلاردا، سونىڭ ىشىندە حالىقارالىق دەڭگەيدە دە 1400 مەدالدى جەڭىپ الدى. ەلوردانىڭ قۇراما كومانداسى وسىمەن 14-ءىنشى جىل قاتارىنان جالپى كوماندالىق ەسەپتە 1-ورىندى جانە «ۇزدىك وليمپيادالىق كوماندا» اتاعىن الدى. مۇنىڭ ءبارى – ءبىزدىڭ وقۋشىلار مەن مۇعالىمدەردىڭ جانە اتا-انالاردىڭ قاجىرلى ەڭبەگى مەن جاڭا ءبىلىم الۋعا دەگەن تالپىنىسىنىڭ، نيەتىنىڭ ارقاسى»، دەپ جازدى ەلوردا اكىمى.

سونداي-اق قالا اكىمى ءار تۇلەكتىڭ ماقتاۋعا لايىق ەكەنىن، الايدا ءالى دە كوپ وقىپ، جاڭا ماشىقتار مەن ءبىلىمدى مەڭگەرۋ كەرەك ەكەنىن ايتتى. 

«ەشتەڭە دە وڭايشىلىقپەن كەلمەيدى، تەك ماڭداي تەر مەن تەرەڭ ءبىلىمنىڭ ارقاسىندا دىتتەگەن ويلارىڭىزعا جەتىپ، ءوز ەلىڭىز بەن قالاڭىزدىڭ لايىقتى ازاماتتارى بولا الاسىزدار. 

مەملەكەت تاراپىنان سىزدەردىڭ ساپالى ءبىلىم الىپ، جايلى جەردە وقۋلارىڭىز ءۇشىن بارلىق جاعداي جاسالا بەرەدى. 

ال ءبىزدىڭ ەلوردامىز سىزدەردىڭ ەڭ ءبىر باتىل باستامالارىڭىزدى جۇزەگە اسىراتىن، بولاشاق مىقتى ماماندىق يەلەرى بولۋلارىڭىزعا داڭعىل جول اشاتىن استانا بولىپ قالا بەرەدى»، دەپ جازدى ەلوردا اكىمى.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار