قازاقستان • 16 ماۋسىم، 2021

«قىزىل» ستاتۋسى بار 160-تان استام ادام وقشاۋلانۋ رەجيمىن بۇزعان

13 رەت كورسەتىلدى

Ashyq جۇيەسى بويىنشا انىقتالعان «قىزىل» مارتەبەسى بار 165 ادام ءوزىن-ءوزى وقشاۋلاۋ رەجيمىن بۇزعانى ءۇشىن اكىمشىلىك جاۋاپكەرشىلىككە تارتىلادى، دەپ حابارلايدى Egemen.kz.

رەسپۋبليكادا كارانتيندىك شەكتەۋلەردىڭ ساقتالۋىن باقىلايتىن مونيتورينگتىك توپتاردىڭ جۇمىسى جالعاسۋدا. بۇگىنگى تاڭدا قازاقستاننىڭ بارلىق وڭىرلەرىندە 1،8 مىڭنان استام مونيتورينگتىك توپ جۇمىس ىستەيدى. 2021 جىلدىڭ قاڭتارى مەن 13 ماۋسىمى ارالىعىندا ەل وڭىرلەرىندە 103 762 رەيد جۇرگىزىلىپ، 630 757 نىسان تەكسەرىلدى.

جۇرگىزىلگەن جۇمىس بارىسىندا ءموبيلدى توپتار نىسانداردا كارانتيندىك تالاپتاردى بۇزۋدىڭ 17 043 وقيعاسىن انىقتادى.

13 ماۋسىمداعى جاعدايعا سايكەس شەكتەۋ شارالارىن، ونىڭ ىشىندە كارانتيندى بۇزعانى ءۇشىن 16 712 ادام جاۋاپكەرشىلىككە تارتىلدى. بۇل رەتتە 9 670 كاسىپكەرگە قاتىستى جازالاۋ شارالارى قولدانىلدى. وندىرىلگەن ايىپپۇلدىڭ جالپى سوماسى 1 352،2 ملرد تەڭگەدەن اسادى. سوتقا 310 ماتەريال جىبەرىلدى.

مۇنىمەن قوسا، 10 ماۋسىمنان باستاپ Ashyq جوباسىنا قاتىساتىن نىسانداردا «قىزىل» مارتەبەسى بار 165 جانە «سارى» مارتەبەسى بار 168 ادام تىركەلگەن. سانيتاريالىق-ەپيدەميولوگيالىق قىزمەت ورگاندارى وقشاۋلاۋ رەجيمىن بۇزۋشى «قىزىل» مارتەبەسى بار ازاماتتارعا قاتىستى اكىمشىلىك قۇقىق بۇزۋشىلىق تۋرالى ىستەردى قوزعاۋ بويىنشا جۇمىستى باستادى.

ەسكە سالايىق، وتكەن اپتادا كۆي-عا شالدىققان ناۋقاستار جانە ولارمەن بايلانىستا بولعان ادامدار ءۇشىن وقشاۋلاۋدىڭ مىندەتتى رەجيمىن كوزدەيتىن سانيتاريالىق-ەپيدەميولوگيالىق تالاپتار كۇشىنە ەنگەن بولاتىن. بەلگىلەنگەن تالاپتاردى ورىنداماعانى ءۇشىن وقشاۋلاۋ رەجيمىن بۇزۋشىلارعا 30 اەك نەمەسە 87 510 تەڭگە مولشەرىندە ايىپپۇل سالىنادى (قر اقبتك 452-بابى).

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار