كەيىننەن اسقار مومىنوۆ دەگەن جىگىت جەتەكشىلىك ەتەتىن شاردارا اۋدانىندا قۇرىلعان «ناز» توبى شىرقايدى. اتالعان توپتا قىرعىزدىڭ ەلىك دەگەن ءانشى قىزى دا بولىپتى. «قاسقالداقتى» ول ساحنادا قۇلپىرتىپ, تىپتەن تاماشا ورىنداعان, دەيدى بىلەتىندەر.
كوپ ۇزاماي توپتىڭ ءانشىسى بولات قۇسايىنوۆ «قارا باۋىر قاسقالداقتى» «تاماشادا» ورىندايدى. ءاننىڭ حالىققا كەڭىنەن تانىمال بولعانى وسى كەز.
كومپوزيتور لەسبەك امانوۆتىڭ ايتۋىنشا, ءاننىڭ ءماتىنىن «جۇلدىز» جۋرنالىندا جاريالانعان اقىن ولەڭدەرى اراسىنان بايقاپ قالادى دا, ىشىنەن بىرنەشە رەت قايتالاپ وقىپ, وسى ءان دۇنيەگە كەلەدى.
«ويىن استارلاپ جەتكiزگەن ولەڭدە كولبيندi قاڭعىپ كەلگەن شۇرەگەيگە تەڭەپ وتىرعانىن بiردەن ءتۇسiندiم» دەيدى ل.امانوۆ. الايدا اقىن ەسەنعالي راۋشانوۆ ونى جوققا شىعارادى. «بۇل ولەڭ مەنى از اۋرەلەگەن جوق. ءوز باسىم ونىڭ انىنە كوڭiلiم تولا بەرمەيدى. نەگە؟ قازاقتا قاي ولەڭ انگە سۇرانىپ تۇر؟ اۋەلى وسى ماسەلەنى پىسىقتاپ الۋ كەرەك قوي. ونەردىڭ ىشكى الەمىنىڭ كابىسۋى دەگەن بولادى. كەيبىرەۋلەر بۇل ولەڭنىڭ ءسوزىن ءوزىنىڭ ىڭعايىنا قاراي بۇرىپ, شۋماقتار قوسىپ ايتادى. ونەردە ودان وتكەن سوراقىلىق, قيانات جوق. مەن دە كەزىندە كىتاپقا ەنبەي كالعان ولەڭدەر بارشىلىق. ۇلكەن كۇشپەن جارىق كورگەن كiتابىمدا «قاسقالداق» بۇرمالانىپ شىقتى. «قاڭعىپ كەلگەن شۇرەگەي, كولگە پانا بولمايدى» دەگەن جولدارداعى «قاڭعىپ» ءسوزى «اداسىپ» دەپ تۇزەلگەن. بۇل دەگەنىڭ ولەڭدى ءتۇسىنۋ تۇگىلى, قاراپايىم تەحنيكالىق قۇرىلىمىن بىلمەۋ, بولماسا تۇسىنۋگە تىرىسپاۋ دەگەن ءسوز ەمەس پە؟ بىرەۋلەر بۇل ءاندى قوناەۆقا ارنالعان دەسە, بىرەۋلەر كولبيندى ايتادى. بۇل بەكەر. كولبينگە شۇرەگەي كەلمەيدى. قايدان بىلەيىن, ءبال-
كىم, قوناەۆتى قاسقالداقتان گورى ىرىرەك قۇسقا تەڭەگەن دۇرىس شىعار... جالپى مەنىڭ شىعارماشىلىعىمدا جەكە ادامدارعا, كومپارتياعا, ساياساتقا ارنالعان قىزىل ولەڭدەر بولعان ەمەس... مۇنىمەن ماقتانايىن دەپ وتىرعانىم جوق, دۇرىسى سول. سوندىقتان «قاسقالداق» ەشكىمگە ارنالماعان. ول سول توگىلگەن قانعا وقىلعان دۇنيە... ءبىر قۋاناتىنىم, بۇل ولەڭنىڭ كىتاپتان بۇرىن «جۇلدىزعا» شىققان نۇسقاسى بار ەدى. ءان اۆتورى سونى پايدالانىپتى», دەيدى اقىن.
نە دەسەك تە, شايىر جۇرەگىن جارىپ شىققان ساف ولەڭ سازگەردىڭ سىرلى پەرنەلەرىنە قونا كەتىپ, قانشاما بۋىن قايىرماسىنا قوسىلىپ كەلە جاتقان عۇمىرلى ءان دۇنيەگە كەلدى. اقيقاتىن ۋاقىت تارازىلاي جاتار, دەگەنمەن ءان تاريحىنا ءار كەزدە ءۇڭىلىپ تۇرعان دۇرىس دەر ەدىك.
التىناي التىنبەك,
ەۋرازيا ۇلتتىق ۋنيۆەرسيتەتىنىڭ 2-كۋرس ستۋدەنتى
