ددۇ بۇل كۇنى دۇنيە جۇزىندەگى ۇكىمەتتەر مەن ۇلتتىق دەنساۋلىق ساقتاۋ ورگاندارىن قان ورتالىقتارىن ءتيىستى رەسۋرستارمەن قامتاماسىز ەتۋگە جانە ەرىكتى, وتەۋسىز قان دونورلىعىن كەڭەيتۋگە ارنالعان جۇيە مەن ينفراقۇرىلىمدى قۇرۋ ءۇشىن نەگىز قالىپتاستىرۋعا شاقىرادى.
قاۋىپسىز قان جانە ونىڭ كومپونەنتتەرى مەديتسينالىق كومەك پەن قوعامدىق دەنساۋلىق ساقتاۋدىڭ ماڭىزدى قۇرامداس بولىگى ەكەنى بەلگىلى. مۇنداي جۇمىس ميلليونداعان ادامنىڭ ءومىرىن قۇتقارۋمەن قاتار كوپتەگەن پاتسيەنتتىڭ ءومىر ساپاسىن ارتتىرۋعا مۇمكىندىك بەرەدى. سوندىقتان مۇقتاج بولعان ءار ادامنىڭ قاۋىپسىز قانعا قولجەتىمدىلىگىن قامتاماسىز ەتۋ ءۇشىن بارلىق مەملەكەتتە قاندى تۇراقتى جانە ەرىكتى تۇردە تاپسىرۋعا دايىن دونورلار بولۋى كەرەك.
سovid-19 پاندەمياسى قان قىزمەتىنىڭ جۇمىسىنا, قوزعالىستىڭ شەكتەلۋىنە اسەر ەتكەنىنە جانە وزگە دە قيىنشىلاقتارعا قاراماستان, قازاقستانداعى جانە باسقا دا مەملەكەتتى قان دونورلارى مۇقتاج پاتسيەنتتەر ءۇشىن قان تاپسىرۋعا كەلۋدى توقتاتقان ەمەس. بيىلعى دۇنيەجۇزىلىك دونور كۇنىنىڭ ۇرانى – «قان تاپسىرىڭىز, جەر بەتىندەگى ءومىر تىرشىلىگى جالعاسسىن!». بۇل پلانەتادا پاندەميا پاتشالىق قۇرىپ تۇرعان ۋاقىتتا بۇرىنعىدان دا وزەكتى, بۇرىنعىدان دا ماڭىزدى ءىس ەكەنى انىق. سوندىقتان دونورلاردىڭ جەر بەتىندەگى ادام ءومىرىن قۇتقارۋعا جانە ءومىر ساپاسىن ارتتىرۋعا پەيىلى ىندەتپەن كۇرەستە جەڭىسكە جەتۋدىڭ ءبىر جولى دەسەك, ارتىق ەمەس.
ددۇ بيىلعى ناۋقاندا قاۋىپسىز قان قورىن قامتاماسىز ەتۋدە جاستاردىڭ رولىنە ەرەكشە نازار اۋدارىپ وتىر. كوپتەگەن ەلدەگى جاستار ەرىكتى قان دونورلىعى ارقىلى قاۋىپسىز قان قورىن قامتاماسىز ەتۋگە باعىتتالعان ءىس-شارالار مەن باستامالارعا بەلسەندى تۇردە قاتىسادى. ءبىرشاما ەلدەگى حالىقتىڭ ايرىقشا بولىگىن يدەاليست, ىنتالى جانە شىعارماشىلىق قۋاتقا يە جاستار قۇرايدى.
ءبىر ايتا كەتەتىنى, جىل سايىن ەلىمىزدە 200 مىڭنان استام ادام قان تاپسىرادى, ونىڭ ىشىندە 18 مىڭعا جۋىق دونور – ءۇش جانە ودان دا كوپ رەت قان تاپسىرۋشى. وتەۋسىز دونورلار, ەرىكتىلەر, ەلوردالىق ۇيىمدار مەن كاسىپورىنداردىڭ ۇجىمدارى وتەۋسىز دونورلىقتىڭ دامۋىنا ەرەكشە ۇلەس قوسۋدا.
