تەحنولوگيا • 15 ماۋسىم، 2021

Amazon قانداي مۇمكىندىك سىيلايدى؟

35 رەت كورسەتىلدى

جۋىردا ساۋدا-ساتتىققا جاۋاپتى مينيستر باقىت سۇلتانوۆ قۋانىشتى حابار سۇيىنشىلەدى. بۇدان بىلاي ءبىزدىڭ كاسىپكەرلەر وزدەرىنىڭ ءتول ونىمدەرىن ايگىلى Amazon پلاتفورماسىندا تىكەلەي ساتىلىمعا شىعارا الاتىن بولىپتى. ونىڭ ايتۋىنشا، ءدال وسىعان قول جەتكىزۋ ءۇشىن مينيسترلىك بىلتىر قاراشادان بەرى كەلىسسوز جۇرگىزگەن.

ء«بىزدىڭ كاسىپكەرلەر ءۇشىن Amazon-عا كىرۋدىڭ باستى ماسە­لەسى رۇقسات ەتىلگەن ەلدەردىڭ «بولىگى» اتانۋ قاجەتتىلىگى بولدى: ياعني سول رۇقسات ەتىلگەن ەل­دەر­­دىڭ زاڭدى تۇلعاسى بولىپ، بار­لىق وپەراتسيالاردى جۇرگىزۋ ءۇشىن سول ەلدەردىڭ بانكتەرىنەن شوت اشۋ قاجەت ەدى. قازىر ءبىز بۇل قيىندىقتاردى ەڭسەردىك. قازاق­ستاندىق كاسىپكەرلەردىڭ تولەمدى تىكەلەي قازاقستاندىق بانكتەر ارقى­لى الىپ، ءوز ەلىمىزدىڭ اتىنان ساۋدا جاساي الۋ مۇمكىندىگى بار – قازاقستاندى ەندى ساتۋشى ەلدەر­دىڭ تىزىمىنەن تابۋعا بولادى»، دەپ جازدى مينيستر فەيس­بۋكتەگى پاراقشاسىندا.

ءوز كەزەگىندە Amazon International Seller Services ۆيتسە-پرەزي­دەنتى ەريك برۋسسارد قا­زاق­­ستاندىق كاسىپورىن­دار­دىڭ Amazon-دا تاۋار ساتا الاتىنىن قۋانىشپەن قابىلداعانىن جەت­­كىزدى. ء«بىز شاعىن جانە ورتا ساتۋ­شىلاردى قوسا العاندا، قا­زاق­ستاننىڭ سەرپىندى دامىپ كەلە جات­قان بيزنەس-قوعامداس­تى­عى­مەن جۇمىس ىستەۋگە جانە ولارعا بۇكىل الەم بويىنشا كليەنتتەرمەن بىرىگۋگە كومەكتەسۋگە دايىنبىز»، دەدى ە.برۋسسارد.

Amazon پلاتفورماسى الەم­دەگى ەڭ تانىمال سايتتاردىڭ ءبىرى سانالادى. وندا الەمنىڭ 200-دەن استام ەلىنەن ميلليونداعان بەل­سەندى كليەنت بار. 188 ەلدىڭ ساتۋشىلارى تىركەلگەن. ەلەكتروندى پلات­فورما اسىرەسە، شاعىن جانە ورتا بيزنەستىڭ دامۋىنا جول اش­پاق. ويتكەنى ماركەتپلەيستەگى بولشەك ساۋدانىڭ 60 پايىزىن 1،9 ملن شاعىن جانە ورتا كا­سىپورىن جاساپ وتىر. بىلتىر كوم­پانيانىڭ تازا تابىسى 386،1 ملرد دوللارعا جەتكەن.

وسى رەتتە وتاندىق كاسىپ­كەر­­لەر Amazon پلاتفورماسىنا قانداي ونىمدەر شىعارا­دى، شىعارار كەزدەگى جۇمىس پرو­تسەسى قانداي بولادى، پلات­فور­ما تاراپىنان قازاق بيزنەس­مەن­دەرىنە قانداي تالاپتار قويى­لادى، نەگىزىنەن قاي ونىم­دەر حالىقارالىق نارىققا ۇسى­­نىل­ماق دەگەن ساۋالدار تۋىندايدى. سونىمەن قاتار Amazon-نىڭ قازىرگى الەۋەتى، تابىسى، ونىڭ وزگە ەلەكتروندى الاڭقايلاردان ەرەكشەلىگى جايلى دا ايتا كەت­پەكپىز.

 

كىمدەرگە قولايلى؟

QazTrade ساۋدا ساياساتىن دامىتۋ ورتالىعى اق-نىڭ بىزگە جول­داعان جاۋا­بىنا سۇيەنسەك، كەلىسسوزدەردىڭ ءساتتى جۇرگىزىلۋى قازاقستاندىق كا­سىپورىن­دارعا حالىقارالىق نارىققا تىكەلەي شىعۋ مۇمكىندىگىن بەرگەن.

– بۇعان دەيىن سايتتا ساتۋشى­نى تىر­كەۋگە رۇقسات بەرىلگەن ەلدەر تى­زىمىندە قازاقستان بول­عان جوق، سايكەسىنشە قازاق­ستاندىق كا­سىپورىندار سايتقا تىكەلەي تىر­كەلىپ، تاۋار ساتا ال­مادى. ەندى ءسات­تى جۇزەگە اس­قان كەلىسسوزدىڭ نا­تيجەسىندە Amazon.com الاڭىن­دا ءوز تاۋارىن ساتقىسى كەلەتىن وتان­دىق­ كاسىپورىندار كومپا­نيا­نى تىركەپ، بانك شوتىن اشىپ، رۇقسات ەتىلگەن ەلدەردىڭ بىرىن­دەگى (ونىڭ ىشىندە قازاقستان دا بار) زاڭدى مەكەنجايدى كورسەتۋى ءتيىس. ونلاين-سورەنى راسىمدەۋ جانە ساتۋ­شىلاردى تىركەۋگە بايلانىستى ءار ماركەتپلەيستىڭ وزىن­دىك ەرەجەسى بولادى. سايتتا جۇمىس ىستەۋدىڭ دە ءتارتىبى بار. Amazon.com-داعى ساتىلىم قۇ­نى ءونىمنىڭ سيپاتتاماسىنا، تاپ­سىرىستى ورىنداۋ تاسىلىنە، باسقا دا قوسىمشا قىز­مەتتەر مەن فاكتورلارعا باي­لا­نىس­تى. Amazon.com سايتىن­دا كال­­كۋلياتور بار، ول سىزگە ساتۋ قۇ­نىن ءونىم بىرلىگىنە شاما­مەن با­عالاۋعا مۇمكىندىك بەرەدى. سون­­داي-اق كاسىپكەر ساتۋ جوس­پا­رىنا جانە ساتىلاتىن زات­تار­عا بايلانىستى تولەيتىن ساتۋ كو­ميسسيالارىنىڭ بىرنەشە تۇرلەرى بار، – دەيدى QazTrade e-commerce جانە ماركەتينگ دەپار­تامەنتىنىڭ ديرەكتورى وجەت شەگىرباەۆ.

ال قازاقستاندىق بيزنەس تاراپىنان Amazon قانشالىقتى سۇرانىسقا يە بولماق؟ ءبىزدىڭ كاسىپ­كەرلەر مەملەكەت ۇسىنىپ وتىر­عان مۇمكىندىكتى ءىلىپ اكە­تە الا ما؟ ارينە، سوڭعى جىل­دارى وتان­دىق ساۋدادا ەلەك­ترون­­دى كوممەرتسيا ۇلەسى ارتىپ كەلەدى. PwC Kazakhstan مەن تسيفرلى قازاق­ستان قاۋىم­داس­تىعىنىڭ بىرلەسە جۇر­گىز­گەن زەرتتەۋىنە سايكەس، 2020 جىل­دىڭ قورىتىندىسىنا سايكەس بولشەك ەلەكتروندى كوممەرتسيا نارى­عىنىڭ كولەمى 82 پايىزعا وسكەن. 2019 جىلى نارىقتاعى ەلەكتروندى ساۋدا-ساتتىق كولەمى 327 ملرد تەڭگە بولسا، بىلتىر 596 ملرد تەڭگەگە دەيىن وسكەن.

– قازاقستاندا ەلەكتروندى كوم­مەرتسيا ەندى عانا قار­قىن الىپ كەلە جاتىر. بۇل – قازىر­گى زامانعى بيزنەس پەن ەكونو­ميكانىڭ سەر­پىندى سالاسى، ال كارانتين وتان­دىق بيزنەس­تىڭ ينتەرنەت كەڭىس­تىكتەگى دامۋ قارقىنىن جەدەل­دەتتى. حا­لىق­ارالىق ەلەكتروندى كوم­مەرتسيا دا سەرپىندى دامىپ كەلەدى. جاڭا نارىقتارعا شى­عۋ، حالىقارالىق ماركەتينگتى ەن­گىزۋ كومپانيالارعا جاقسى تا­بىس تابۋعا سەرپىن بەرىپ، ين­ۆەس­تيتسيا مەن نەتۆوركينگ تارتۋعا مۇمكىندىك سىيلايدى. دەگەن­مەن كاسىپورىندار ءۇشىن ىڭ­ع­ايلى جانە جايلى لوگيس­تيكا ماسەلەسىن شەشىپ الماي تۇرىپ قانداي دا ءبىر بولجام ايتۋ قيىن. بۇل رەتتە ءوز قىزمەتىن ينتەر­ناتسيونالداندىرۋعا مۇددەلى بولىپ وتىرعان لوگيستيكالىق كومپانيالار مەن «قازپوشتا» ءۇشىن ءوسۋ باعىتىن بايقاپ وتىرمىز، – دەدى QazTrade وكىلى.

 

Alibaba الدە Amazon?

مامانداردىڭ ايتۋىنشا، قازاق­ستاندىق كاسىپكەرلەر ءۇشىن جاڭا الاڭ­نىڭ اشىلۋى ءبارىبىر تىڭ مۇمكىندىك پەن تابىس اكەلەدى. ولاردىڭ سوزىنشە، Alibaba.com حالىقارالىق ەلەكتروندى ساۋدا پلاتفورماسىنىڭ العا جىلجۋىنا بايلانىستى، B2B سەگمەنتىندە جاسالعان مامىلەلەر ارقىلى شامامەن 45 ملن دوللار كولەمىندە ەكسپورتتىق كەلىسىمشارتتار جا­سالعان. قازىر جاھاندىق رەيتينگتە ۆ2C جانە B2B سەكتورلارى بويىنشا ءبىرىنشى ورىندا Alibaba تۇر. دجەك ما نەگىزىن قالاعان بۇل ينتەرنەت-كومپانيا الاڭىنا دا قازاق كاسىپكەرلەرىن شىعارۋ بويىنشا مەملەكەت جۇمىس اتقاردى. 2020 جىلدىڭ قورىتىندىسى بويىنشا 100 وتاندىق كومپانيا Alibaba.com پلات­فورماسىندا «التىن جەت­كىزۋشى» اككاۋن­تىنا يە بولعان.

ال UNCTAD ەسەبى بويىنشا، دجەفف بەزوس قۇرعان كومپانيا B2س سەكتورىندا ەكىنشى كورسەتكىشكە يە. كومپانيا سايت­تىڭ بارلىق ساتۋشىسى جال­پى كىرىسى بويىنشا 2020 جىلى 38 پايىزعا ءوسىم كورسەتكەن.

قازاق كاسىپكەرلەرىن حالىق­ارالىق نارىققا شىعارۋمەن اي­نالىسىپ جاتقان QazTrade كومپانياسى قازىر شەتەلدىك سەرىك­تەستىكتەردىڭ الەۋەتتى مۇم­كىن­دىكتەرى، لوگيستيكالىق شە­شىم­دەر، ءىس قاعازدارى، سالىق سالۋ جانە باسقا دا كومەك تۇر­لەرى تۋرالى اقپاراتتى ۇسىنۋ تۇر­عىسىنان كومپانيالاردى ادىستەمەلىك جانە جەدەل قول­داۋ بو­يىنشا بەلسەندى جۇ­مىس ىستەۋدە. ىرگەلى ەڭبەكتىڭ ناتي­جەسىندە Alibaba.com سايتىنا 4 مىڭنان استام وتاندىق ءونىم ورنالاستىرىلعان. ول جەر­دە ءبىزدىڭ كاسىپكەرلەر ۇن، وسىم­دىك مايى، ماكارون ونىمدەرى، كوندي­تەرلىك تاعامدار، ەت، سۋسىننان باس­تاپ جيھاز، كيىمگە دەيىن ساۋ­دالاۋدا.

Amazon-نىڭ دا اياسى كەڭ. وندا ءبىزدىڭ ازاماتتار جوعارىدا اتا­لىپ وتكەن تاۋار تۇرلەرىن جانە ەلەكتروندى كىتاپ، تۇرمىس­تىق ەلەكترونيكا، بالالار ويىن­­­­شىقتارى، سپورتتىق تا­ۋار، شارۋاشىلىق تاۋارلار، تا­­­ماق ونىمدەرىن دە ساتا الادى. ين­تەرنەت-كومپانيانىڭ قا­زىرگى سات­تە اقش-تان بولەك، برا­زي­ليا، ۇلى­بريتانيا، كانادا، گەرمانيا، جاپونيا، فران­تسيا، يتاليا، يسپانيا، ءۇندىستان جانە قىتايدا فيليالدارى بار. سونىمەن قاتار Amazon ساتۋ­­شىلارعا قويما كەڭىس­تىگىن ۇسىنۋ قىزمەتىنە مۇمكىندىك بەرە­تىن كەڭەيتىلگەن جانە دامى­عان ور­تالىقتاردىڭ جەلىسىن قا­لىپ­تاستىرعان.

Amazon 2021 جىلدىڭ ال­عاشقى ءۇش ايىنىڭ وزىندە 108،5 ملرد دوللار تابىسقا كەنەلگەن. بۇل 2020 جىلدىڭ ءۇش ايىمەن سالىستىرعاندا 44 پايىزعا كوپ. وپەراتسيالىق اقشا اعىمى بىلتىرعى 39،7 ملرد-تان 67،2 ملرد دوللارعا دەيىن كوبەيگەن. ايت­پاقشى، وسىدان بىرەر اي بۇ­رىن عانا كومپانيانىڭ نەگى­زىن قالاۋشى دجەفف بەزوس قىز­مەتىنەن كەتەتىنىن مالىمدەگەن. 5 شىل­دەدەن باستاپ ونىڭ ورنىنا ارىپ­تەسى ەندي ياسسي وتىرماق. بەزوس­تىڭ ءوزى ديرەكتورلار كەڭە­سىنىڭ توراعاسى اتانىپ، بۇدان بى­لاي جاڭا ونىمدەر ماسەلەسىمەن اينالىسپاق.

«ەندي كومپانيا ىشىندە جاق­­سى تانىمال. Amazon جۇ­مىس باستاعالى بەرى مەنىمەن بىر­گە كەلە جاتىر. ول مىقتى كوشباس­­شى بولادى، وعان تولىق سەنەمىن»، دەپتى د.بەزوس. ول كوم­پانيا باس­شىسى قىزمەتىن كوم­پانيا قۇرىلعان 1994 جىلدان باستاپ اتقا­رىپ كەلە جاتسا، ەندي بۇل ۇجىمعا 1997 جى­لى قوسىلعان. ايتپاقشى، بەزوس پلانەتانىڭ ە

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار