«قازاقستاننىڭ دامۋ تاريحىندا ءبىر ەمەس بىرنەشە داعدارىس بولدى. اتاپ ايتار بولساق, 1999 جىلعى داعدارىس, ودان كەيىن 2007 جىلى امەريكاداعى يپوتەكالىق قارىزدان باستاپ, دۇنيەجۇزىنە تاراپ قازاقستانعا جەتكەن داعدارىس, 2014-2015 جىلدارداعى مۇنايدىڭ كۇرت قۇلدىراۋىنان تۋىنداعان داعدارىس بار. ال 2020 جىلى جەتكەن جاي داعدارىس ەمەس. ول كوروناۆيرۋسپەن قاباتتاسقان وتە كۇردەلى داعدارىس بولدى», دەدى مينيستر ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ونىڭ ايتۋىنشا, وتكەن جىلعى داعدارىستىڭ حالىققا دا, كاسىپكەرلەرگە دە اۋىر تيۋىنە بايلانىستى ەلىمىز سىرتتان قارىز الدى.
«بىراق, الىنعان قارىزدىڭ كولەمى قاۋىپسىزدىك دەڭگەيىندە ساقتالىپ تۇر دەپ ايتۋعا بولادى. جالپى, شەتەلدەن الىنعان قارىزداردىڭ باسىم بولىگى كاسىپكەرلەردىڭ, ياعني شەتەلدىك كومپانيالاردىڭ وسى جەردەگى ەنشىلىس كومپانيالارى اراسىندا قالىپتاسقان قارىز. الداعى ۋاقىتتا مۇمكىندىگىنشە سىرتتان قارىز الۋدى دوعارىپ, ەكونوميكانىڭ مۇنايعا بايلانىستى سالالارىن ءارتاراپتاندىرىپ, دامىتىپ, سولاردان تۇسەتىن سالىق ەسەبىنەن جاعدايدى تۇزۋگە تولىق مۇمكىندىگىمىز بار دەۋگە بولادى», دەدى ەرلان جاماۋباەۆ.
