ونەر • 15 ماۋسىم، 2021

قازاقستاندا العاش رەت رەسەي فيلمدەرىنىڭ فەستيۆالى وتەدى

40 رەت كورسەتىلدى

قازاقستانداعى العاش رەت Russian Film Festival ونلاين فورماتتا  وتكىزىلمەك. قازاقستاندىق كورەرمەندەر سوڭعى جىلدارى شىققان كوركەم، انيماتسيالىق جانە دەرەكتى كارتينالاردى العاش رەت تاماشالايدى، ولاردىڭ كوپشىلىگى رەسەيلىك جانە شەتەلدىك فەستيۆالدەردە جۇلدەلەگە يە بولعان، دەپ حابارلايدى Egemen.kz.

قازاقستانداعى Russian Film Festival روسكينو-نىڭ رف مادەنيەت مينيسترلىگىمەن بىرىگىپ ۇيىمداستىرعان ونلاين-فەستيۆالدار سەرياسىنىڭ جالعاسى بولماق. فەستيۆال قازاقستاندا Okko مۋلتيمەديالىق سەرۆيسىمەن كوللابوراتسيادا وتەدى جانە تمد اۋماعىنداعى رەسەيلىك كينەماتوگرافقا ارنالعان العاشقى شارا بولعالى تۇر.

قازاقستانداعى Russian Film Festival باعدارلاماسىنا ەنگەن فيلمدەر 21 ماۋسىم مەن 11 شىلدە ارالىعىندا Okko پلاتفورماسىنىڭ جاڭا قولدانۋشىلارى ءۇشىن فەستيۆال ۋاقىتىندا تەگىن كورسەتىلەدى. 

RFF اياسىندا 77-ءشى ۆەنەتسيا كينوفەستيۆالىنە قاتىسىپ، قازىلار القاسىنىڭ ارنايى سىيلىعىمەن ماراپاتتالعان اندرەي كونچالوۆسكيدىڭ جاڭا ءفيلمى «دوروگيە توۆاريششي» جانە 2002 جىلى ماسكەۋدە دۋبروۆكاداعى تەاتر ورتالىعىندا بولعان تەراكتتان العان جاراقات پەن قايعى تۋرالى يۆان تۆەردوۆسكيدىڭ «كونفەرەنتسيا» ءفيلمى كورسەتىلەدى.

كورەرمەندەر باس رولدەردە سۆەتلانا حودچەنكو جانە ستاسيا ميلوسلاۆسكايا وينايتىن، بولعان وقيعالارعا نەگىزدەلگەن «نا وستريە» سپورتتىق ەكشن-دراماسىن، رەناتا ليتۆينوۆانىڭ كوستيۋمدى قيال-عاجايىپ «سەۆەرنىي ۆەتەر» ەرتەگىسى مەن «سەرەبريانىە كونكي» اتتى تاريحي مەلودراماسىن تاماشالايدى. باعدارلامادا سونىمەن بىرگە وتباسىلىق قىزىقتى «پالما» ءفيلمى مەن ميحايل سەگالدىڭ «گلۋبجە!» جاڭا كومەدياسى بار. انيماتسيالىق باعدارلاما ايگىلى «بەلكا ي سترەلكا: كاريبسكايا تاينا» ءمۋلتفيلمىن ۇسىنادى. Russian Film Festival باعدارلاماسىنا تۇڭعىش رەت قوڭىر ايۋلار ءومىرىنىڭ العاشقى جىلى تۋرالى باياندايتىن «مەدۆەدي كامچاتكي. ناچالو جيزني» دەپ اتالاتىن فيلم، 2019 جىلى «ۇزدىك ويىنسىز فيلم» نوميناتسياسىندا «زولوتوي ورەل» كينوماراپاتىنا يە بولعان.

«رەسەي مەن قازاقستاندى بۇرىننان كەلە جاتقان مادەنيەت، ونەر، ءبىلىم سالاسىنداعى قاتىناستار بىرىكتىرىپ تۇر. ءبىزدىڭ ەلدەرىمىزدىڭ مادەنيەت مينيسترلىكتەرى ونەردىڭ ءتۇرلى سالالارىندا ارىپتەستىك ورناتۋ ءۇشىن قولايلى جاعدايلار جاساي ءبىلدى. ۇزدىكسىز مادەني الماسۋ قازاقستانداعى رەسەي كۇندەرى جانە رەسەيدەگى قازاقستان كۇندەرى ارقىلى، فەستيۆالدار مەن شىعارماشىلىق ۇجىمداردىڭ گاسترولدەرى ارقىلى نىعايىپ وتىرادى. Russian Film Festival كينەماتوگرافيا سالاسىنداعى قارىم-قاتىناستاردى نىعايتىپ، ءبىزدىڭ يندۋستريادا جاڭا مادەني جانە ىسكەرلىك بايلانىستار ورناتۋعا ىقپال ەتەتىن شارا بولاتىنىنا قۋانىشتىمىن»، - دەدى روسكينو باس ديرەكتورى ەۆگەنيا ماركوۆا.

«قازاقستانداعى Russian Film Festival – تمد-داعى ءبىزدىڭ العاشقى ونلاين-فەستيۆالىمىز. ءبىز مازمۇنى باي جانە ۇسىنىسىمىزدى ۇلكەن ىنتامەن قابىل العان Okko سەرۆيسىمەن ارىپتەستىكتىڭ باستالعانىنا اسا قۋانىشتىمىز. ءبىز بىرىگە وتىرىپ، قازاقستان تۇرعىندارى ءۇشىن العاش رەت ونلاين تۇردە ۇسىنىلاتىن جاڭا رەسەيلىك رەليزدەردىڭ جان-جاقتى باعدارلاماسىن جينادىق. ودان وزگە، ءبىز كورەرمەندەرگە فيلمدەرىمىزدىڭ كەيىپكەرلەرى مەن اۆتورلارىن جاقىنىراق تانۋعا مۇمكىندىك بەرەتىن بىرقاتار قىزىقتى شارالار وتكىزۋدى جوسپارلاپ وتىرمىز. اڭداتپالاردى Okko جانە RFF الەۋمەتتىك جەلىلەرىنەن باقىلاپ وتىرىڭىز»، دەدى Russian Film Festival پروديۋسەرى يگور حومسكي.

«بىزگە سەنىم ارتقانى ءۇشىن جانە قازاقستاندا Russian Film Festival وتكىزۋگە ەكسكليۋزيۆتى ديدجيتال-الاڭ رەتىندە شىعۋعا مۇمكىندىك بەرگەنى ءۇشىن ءبىز روسكينو-داعى ارىپتەستەرىمىزگە العىس ايتامىز. ۇزدىك ەۆروپالىق كينونى رەسەيدە تاراتۋعا باعىتتالعان ءىرى ونلاين-فەستيۆالدەر وتكىزۋدەن ءبىزدىڭ وڭتايلى تاجىريبەمىز بار: ەۆروپالىق كينو فەستيۆالى، فرانكوفونيا فەستيۆالى. سوندىقتان ءبىز رەسەيلىك كينەماتوگرافتى تمد ەلدەرىندە جۇرگىزۋ بويىنشا ۇلكەن جوبانىڭ ءبىر بولشەگى بولعانىمىزعا ريزامىز. ءبىز مۇنى رەسەيدەگى بۇكىل كينويندۋستريا ءۇشىن ماڭىزدى وقيعا دەپ سانايمىز جانە تەك رەسەيدەگى Okko قولدانۋشىلارىنا قولجەتىمدى بولعان رەسەيلىك كينەماتوگرافتىڭ ۇزدىك ۇلگىلەرىن قازاقستاندا بارىنشا كوبىرەك كورەرمەننىڭ تاماشالاۋى ءۇشىن بار كۇشىمىزدى سالامىز»، دەدى Okko مۋلتيمەديالىق سەرۆيسسىنىڭ باس ديرەكتورى ماكسيم ەۆدوكيموۆ.

سوڭعى جاڭالىقتار

«ساتەمىر حان» كىم؟

رۋحانيات • بۇگىن، 23:30

«ەسىل وزەن»

ونەر • بۇگىن، 23:22

تسەنزور دەگەن بولعان...

قوعام • بۇگىن، 23:12

تاسادا قالعان تۇلعا

تاريح • بۇگىن، 22:55

ساحنا سۋرەتكەرى

ونەر • بۇگىن، 22:30

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار