قازاقستان • 15 ماۋسىم، 2021

قازاقستانداعى ورتاشا جالاقى مولشەرى قانشا؟

1938 رەت كورسەتىلدى

2021 جىلدىڭ مامىر ايىنىڭ قورىتىندىسى بويىنشا ءبىر قىزمەتكەردىڭ ورتاشا ايلىق جالاقىسى 232 347 تەڭگەنى قۇرادى، دەپ حابارلايدى Egemen.kz ستاتيستيكا كوميتەتىنە سىلتەمە جاساپ.

«وتكەن جىلدىڭ كۇزىنەن باستاپ دەڭگەي وسۋدە. قازان ايىندا بۇل كورسەتكىش 209 818 تەڭگەگە، قاراشادا – 211 033، جەلتوقساندا – 220 848، 2021 جىلعى قاڭتاردا – 222 261، اقپاندا – 223 213، ناۋرىزدا –224 715، ساۋىردە – 231 319 تەڭگەگە جەتتى. بۇل رەتتە حالىقتىڭ جان باسىنا شاققانداعى ورتاشا اتاۋلى اقشالاي تابىستارى باعالاۋ بويىنشا 2021 جىلعى ساۋىردە 124 132 تەڭگەنى قۇرادى، بۇل 2020 جىلعى ساۋىرگە قاراعاندا 10،1%-عا جوعارى»، دەلىنگەن ستاتيستيكا كوميتەتى تاراتقان اقپاراتتا.

ال ناقتى اقشالاي تابىس كورسەتىلگەن كەزەڭدە سالىستىرعاندا 2،9%-عا ءوستى. سونداي-اق بيۋرودا 2021 جىلدىڭ ءى توقسانىندا جۇمىسسىزدار سانى 451،3 مىڭ ادامدى قۇراعانىن ەسكە سالدى. جۇمىسسىزدىق دەڭگەيى جۇمىس كۇشىنە قاراعاندا 4،9%-عا جەتتى.

«جۇمىسپەن قامتۋ مەكەمەلەرiندە جۇمىسسىزدار رەتىندە تىركەلگەندەر سانى 2021 جىلدىڭ مامىر ايىنىڭ سوڭىندا 222،7 مىڭ ادامدى نەمەسە جۇمىس كۇشىنە 2،4%-دى قۇرادى»، دەپ حابارلادى بيۋرودا.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار