وقيعا • 15 ماۋسىم، 2021

اتىراۋدا شەتەلدىك بويجەتكەننىڭ 3 100 دوللارىن ۇرلاعان كۇدىكتى قامالدى

304 رەت كورسەتىلدى

بۇل تۋرالى وبلىستىق پوليتسيا دەپارتامەنتىنىڭ باستىعى، پوليتسيا پولكوۆنيگى قامزا ۇمبەتقاليەۆ ءمالىم ەتتى، دەپ حابارلايدى Egemen.kz.

ونىڭ ايتۋىنشا، اتىراۋدا جىل باسىنان بەرى 78 پاتەر ۇرلىعى تىركەلگەن. پاتەر ۇرلىعىنا قاتىسى بار 15 ادام ەسەپكە الىنىپ وتىر.

«تۇرعىنداردىڭ جەكە م ۇلىكتەرىن ۇرلاۋ دەرەكتەرى اسىرەسە قالا اۋماعىندا ورنالاسقان  پاتەرلەر مەن جەكە مەنشىك ۇيلەردىڭ تەرەزەسىن مايىستىرۋ، كىلتىن ۇيلەستىرۋ نەمەسە ەسىگىن بۇزىپ كىرۋ ارقىلى ورىن الىپ وتىر. ماسەلەن، 11 ماۋسىمدا بەلگىسىز ادام اتىراۋ قالاسىنىڭ ۆلاديميرسكي كوشەسىندەگى پاتەرلەردىڭ بىرىنە زاڭسىز كىرىپ، سەررا-لەونە ەلىنەن كەلگەن 19 جاستاعى بويجەتكەننىڭ قارا ءتۇستى سومكەسىنەن جالپى قۇنى 3 100 اقش دوللارىن (1 325 343 تەڭگە) جاسىرىن جىمقىرىپ، قاشىپ كەتكەن. جەدەل ىزدەستىرۋ كەزىندە كريمينالدىق پوليتسيا ءبولىمىنىڭ قىزمەتكەرلەرى كۇدىكتىنى  انىقتاپ، ۇستادى. كۇدىكتىدەن ايعاق زات تاركىلەنىپ، ۋاقىتشا ۇستاۋ يزولياتورىنا قاماۋعا الىندى»، دەيدى قامزا ۇمبەتقاليەۆ.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار