اۋىزدىعىمەن الىسىپ, جۇتىنىپ تۇرعان سايگ ۇلىكتەرگە ەر سالىنىپ, كەرەك-جاراق دۇنيە قانجىعاعا بايلاندى. تاريح تىلسىمىنا بويلاۋعا قۇلشىنعاندار تسەلينوگراد اۋدانىنىڭ اۋماعىنداعى ەجەلگى بوزوق قالاسى ماڭىندا اتقا قوندى. ءسوز اراسىندا بوزوق قالاسىنىڭ ۇلى جىبەك جولىنداعى قىپشاق بيلەۋشىلەرىنىڭ اسكەري ورداسى بولعانىن ايتا كەتەلىك. تاريحشىلاردىڭ تارازىلاۋىنا قاراعاندا, قالانىڭ گۇلدەنۋى تۇركى جۇرتىنىڭ ىشىندە قىپشاقتاردىڭ بەدەلى كوتەرىلگەن ح-ءحى عاسىرلارعا سايكەس كەلەدى.
ەجەلگى قالادان اتقا قونعان ەكسپەديتسياعا مادەنيەت جانە سپورت مينيسترلىگى, ۇلتتىق مۋزەي, اقمولا وبلىسىنىڭ اكىمدىگى, بوتاي قورىق-مۋزەيى قولداۋ كورسەتىپ وتىر.
تۇڭعىش رەت ايشىلىق الىس جولعا اتتانعان ەكسپەديتسيا نۇر-سۇلتان-جيدەباي باعىتىندا مىڭ شاقىرىمدىق جولدى جەلە جورتىپ وتپەك. جاي عانا ءجۇرىس ەمەس, ەجەلگى تاريح سوقپاعىندا ەل ەسىندە ساقتالعان ءتىرى اڭىز, تىرشىلىك سۇلباسىن ءسۇزۋ ماقسات ەتىلۋدە. جول-جونەكەي پاۆلودار, قاراعاندى, شىعىس قازاقستان وبلىسى اۋماقتارىنداعى ولجاباي باتىر, ەدىگە بي, ءماشھۇر-ءجۇسىپ كوپەي ۇلى, بۇقار جىراۋ, اباي-شاكارىم كەسەنەلەرىن ارالاپ, قوياندى جارمەڭكەسى وتكەن ورىندا ات شالدىرىپ, ىلگەرى اسپاق.
ەكسپەديتسيا قۇرامىندا بىرنەشە وبلىستىڭ وكىلدەرى, نەگىزىندە تاريحشىلار مەن جۋرناليستەر بار. نەگىزگى ماقسات – حالقىمىزدىڭ سان عاسىر بوي جالعاسىپ كەلە جاتقان داستۇرلەرىن ناسيحاتتاۋ, كيەلى جەرلەرگە قۇرمەت كورسەتۋ. سول ارقىلى ەل نازارىن وزەكتى ماسەلەلەرگە اۋدارۋ.
اقمولا وبلىسى
