قازاقستان • 14 ماۋسىم، 2021

ۆاكتسينا العاندار قان دونورلىعىنان 2 اپتاعا شەتتەتىلەدى

52 رەت كورسەتىلدى

كۆي-عا قارسى ۆاكتسينا العان ادامدار قان جانە ونىڭ كومپونەنتتەرىنىڭ دونورلىعىنان 2 اپتاعا شەتتەتىلەدى. بۇل جايىندا قر باس مەملەكەتتىك سانيتار دارىگەرى ەرلان قياسوۆتىڭ جاڭا قاۋلىسىندا ايتىلعان، دەپ حابارلايدى Egemen.kz.

قۇجاتتا يممۋنوسۋپرەسسيۆتى ەم قابىلدايتىن پاتسيەنتتەردە جانە يممۋن تاپشىلىعى بار پاتسيەنتتەردە جەتكىلىكتى يممۋندىق جاۋاپ دامىماۋى مۇمكىندىگى ەسكەرتىلەدى. سوندىقتان يممۋندىق جۇيەنىڭ جۇمىسىن تەجەيتىن پرەپاراتتاردى قابىلداۋ يممۋنوگەندىلىكتىڭ تومەندەۋ قاۋپىنە بايلانىستى ۆاكتسيناتسيادان بۇرىن جانە ودان كەيىن كەم دەگەندە 1 اي قارسى كورسەتىلىم بولادى. ءجىتى ينفەكتسيالىق جانە ينفەكتسيالىق ەمەس اۋرۋلار ەكپەلەردى جۇرگىزۋ ءۇشىن ۋاقىتشا قارسى كورسەتىلىمدەر بولىپ سانالادى. ۆاكتسيناتسيا ساۋىققاننان نەمەسە رەميسسيادان كەيىن 2-4 اپتادان كەيىن جۇرگىزىلەدى. ءجىتى ىشەك اۋرۋلارىندا ۆاكتسيناتسيا دەنساۋلىق جاعدايى قالىپقا كەلگەننەن كەيىن جاسالادى.

«كۆي-عا قارسى بەلسەندىلىگى جويىلعان ۆاكتسينالارمەن (Hayat-Vax، QazVac، كوروناۆاك جانە باسقالارى) جانە ۆەكتورلىق ۆاكتسينامەن (سپۋتنيك V) ەكپە العان ادامدار قان مەن ونىڭ كومپونەنتتەرىنىڭ دونورلىعىنان 2 اپتاعا شەتتەتىلەدى. ءتىرى ۆاكتسينالاردى پايدالانعان كەزدە ەگىلگەن ادامدار قان مەن ونىڭ كومپونەنتتەرىنىڭ دونورلىعىنان 4 اپتا مەرزىمگە شەتتەتىلەدى. كۆي-ءدىڭ ءجىتى جانە سيپمتوم جوق ءتۇرى بار ادامدار كۆي-عا قارسى ۆاكتسيناتسيالاۋعا جاتپايدى. كۆي-دى قوسا العاندا، ينفەكتسيالىق اۋرۋمەن اۋىراتىن ناۋقاسپەن بايلانىستا بولعان ادامدار كارانتين مەرزىمى اياقتالعاننان كەيىن ەگىلەدى. بۇل رەتتە، كۆي-مەن اۋىراتىن ناۋقاسپەن ءوزىنىڭ كاسىبي قىزمەتىنىڭ ءتۇرى بويىنشا جەكە قورعانىش قۇرالدارىندا بايلانىستا بولاتىن مەديتسينا قىزمەتكەرلەرى جاتپايدى»، دەلىنگەن قاۋلىدا.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار