ايماقتار • 14 ماۋسىم، 2021

شوقاي اۋىلىنا 70 جىلدان كەيىن اۋىزسۋ بەرىلدى

166 رەت كورسەتىلدى

جامبىل وبلىسىنداعى شوقاي اۋىلىنا تازا اۋىز سۋ بەرىلدى. ايماق باسشىسى بەردىبەك ساپارباەۆ جامبىل اۋدانىنا جۇمىس ساپارى بارىسىندا اتالعان اۋىلداعى جۇرگىزىلگەن تازا اۋىز سۋ جۇيەسىنىڭ قۇرىلىسىمەن تانىستى، دەپ حابارلايدى Egemen.kz.

بىلتىر ناۋرىز ايىندا باستالعان قۇرىلىس جۇمىستارى «وڭىرلەردى دامىتۋ» باعدارلاماسى اياسىندا جۇرگىزىلگەن.

800 تۇرعىنى بار اۋىلعا 15 شاقىرىمدى قۇرايتىن سۋ قۇبىرى تارتىلعان. سولايشا 160 اۋلاعا سۋ جىبەرۋ تەتىكتەر ورناتىلعان.

70 جىلدان بەرى قۇدىقتان سۋ ءىشىپ كەلگەن اۋىل تۇرعىندارى بۇل وقيعانىڭ تاماشا تارتۋ بولعانىن تىلگە تيەك ەتتى.

«سوڭعى كەزدەرى اۋىز سۋدىڭ قۇرامى دا وزگەرە باستاعان ەدى. مىنەكەي، بۇگىن تۇرعىنداردىڭ تالاي جىلعى ارمانىنىڭ ورىندالعانىن كورىپ وتىرمىز. اۋىل جاعدايى جىل ساناپ جاقسارىپ كەلەدى. بيىل اۋىلدا كلۋب سالىنسا، «جومارت تۇلەك» جوباسى اياسىندا اۋىلعا اركا ورناتىلدى. ەندى وقۋ ورداسىنىڭ قۇرىلىسى باستالماق»، دەدى شوقايلىق يسمايل حودجۋمۋراتوۆ.

بەردىبەك ساپارباەۆ سۋ مۇناراسىن ارالاپ، قوندىرعىلاردىڭ جاي-كۇيىن قاراپ كوردى.

ايتا كەتەيىك، بۇگىندە جامبىل اۋدانداعى 42 ەلدى مەكەننىڭ 30-ى ورتالىقتاندىرىلعان اۋىز سۋ جۇيەسىمەن قامتىلعان. مەملەكەتتىك «جۇمىسپەن قامتۋدىڭ جول كارتاسى» باعدارلاماسى اياسىندا وتكەن جىلى جاسوركەن، قىزىلقاينار، اقب ۇلىم، بايتەرەك، قاراتاۋ اۋىلىنا اۋىز سۋ قۇبىرى تارتىلسا، ەندى تىرشىلىك نارىمەن شوقاي اۋىلى قامتىلىپ وتىر. وسىلايشا، 2019 جىلى اۋىزسۋمەن قامتۋ ۇلەسى اۋداندا 45،2 پايىزدى قۇراسا، 2020 جىلى بۇل كورسەتكىش 69 پايىزعا جەتتى. ال، اعىمداعى جىلى ساپالى اۋىز سۋمەن قامتۋ ۇلەسىن 71،4 پايىزعا جەتكىزۋدى كوزدەلگەن.

سوڭعى جاڭالىقتار

قار ۇستىندەگى قارساق

ايماقتار • بۇگىن، 23:08

الكەيدىڭ كۇندەلىگى

تاريح • بۇگىن، 23:07

جىل ۇزدىكتەرى انىقتالدى

سپورت • بۇگىن، 23:02

«حات قورجىن»

قوعام • بۇگىن، 22:58

قارعىن سۋدان قاۋىپ بار

توتەنشە جاعداي • بۇگىن، 22:54

شاكەن ايمانوۆتىڭ ايگىلى بوركى

جادىگەر • بۇگىن، 22:53

جاڭا اۆتوبۋستارمەن تولىقتى

مەكتەپ • بۇگىن، 22:45

وقۋشىلار تاپقان ولجا

جادىگەر • بۇگىن، 22:39

جالپى ەسەپتە ۇزدىك شىقتى

سپورت • بۇگىن، 21:05

اتىراۋ-استراحان تاسجولى جابىلدى

ايماقتار • بۇگىن، 17:00

ۇقساس جاڭالىقتار