ايماقتار • 11 ماۋسىم، 2021

ورال قالاسىندا جەرگىلىكتى اۋقىمداعى توتەنشە جاعدايدى جاريالاندى

48 رەت كورسەتىلدى

 

10 ماۋسىم كۇنى قازاقستان رەسپۋبليكاسىنىڭ ەلەكتروندى ۇكىمەت پورتالىندا ورال قالاسى اكىمى ابات شىنىبەكوۆتىڭ «جەرگىلىكتى اۋقىمداعى تەحنوگەندىك سيپاتتاعى توتەنشە جاعدايدى جاريالاۋ تۋرالى» شەشىمى جاريالاندى، دەپ حابارلايدى Egemen.kz.

قۇجاتتا ورال قالاسىنىڭ اكىمىنىڭ شەشىمىمەن ورال قالاسىندا كۇشتى اسەر ەتەتىن ۋلى زات تابىلۋىنا بايلانىستى جەرگىلىكتى اۋقىمداعى تەحنوگەندىك سيپاتتاعى توتەنشە جاعداي جاريالانعانى، توتەنشە جاعدايدىڭ سالدارىن جويۋ توبىنىڭ باسشىسى بولىپ - ورال قالاسى اكىمىنىڭ ورىنباسارى م.مۇلكاي تاعايىندالعانى جونىندە جازىلعان.

قالا اكىمدىگىنىڭ ءباسپاسوز قىزمەتى حابارلاعانىنداي، ماۋسىمنىڭ 2-ءسى كۇنى جەلتاۋ بيىگىندەگى قالالىق زيرات اۋماعىنان رەزينا كونتەينەرگە قۇيىلعان سالماعى 1 كەلىدەي بەلگىسىز زات تابىلعان. الدىن الا بولجام بويىنشا بۇل اسا قاۋىپتى سۇيىق مەتالل – سىناپ بولۋى مۇمكىن. ونى بۇل جەرگە كىم اكەلگەنى بەلگىسىز.

وسى وقيعادان كەيىن قاۋىپتى ايماققا توتەنشە جاعدايلار دەپارتامەنتىنىڭ ماماندارى كەلىپ، كۇدىكتى نارسە تابىلعان جەردى حيميالىق وڭدەۋدەن وتكىزگەن. سانيتارلىق-ەپيدەميولوگيالىق قاداعالاۋ ورىندارى وقيعا ورنىندا سىناپ بۋى مولشەرىن ولشەپ، اۋا قۇرامى قالىپتى جاعدايدان اۋىتقىماعانىن انىقتاعان. ياعني ادام مەن تابيعاتقا تونگەن قاۋىپ جوق.

كۇدىكتى كونتەينەر باتىس قازاقستان وبلىستىق ەكولوگيا دەپارتامەنتىنە ۋاقىتشا ساقتاۋعا بەرىلدى، ونى ودان ءارى قاۋىپسىز جويۋ شارالارى جاسالىپ جاتىر ەكەن.

بۇل جونىندە ورال قالاسى اكىمىنىڭ كەڭەسشىسى ا.قادىروۆ پەن ورال قالالىق توتەنشە جاعدايلار باسقارماسى باستىعى ا.ەشمۇحانوۆ جۋرناليستەرگە تۇسىنىك بەردى.

«جەرگىلىكتى اۋقىمداعى تەحنوگەندىك سيپاتتاعى توتەنشە جاعدايدى جاريالاۋ شەشىمى «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» زاڭى مەن «ازاماتتىق قورعانىس تۋرالى» زاڭعا، قازاقستان رەسپۋبليكاسى ۇكىمەتىنىڭ 2014 جىلعى 2 شىلدەدەگى №756 «تابيعي جانە تەحنوگەندىك سيپاتتاعى توتەنشە جاعدايلاردىڭ سىنىپتاماسىن بەلگىلەۋ تۋرالى» قاۋلىسىنا سايكەس شىعارىلىپ وتىر.

مۇنداي قۇجات تابىلعان قاۋىپتى زاتتى تاسىمالداۋ جانە جويۋ شارالارىن ۇيىمداستىرۋ ءۇشىن مىندەتتى، ستاندارتتى پروتسەدۋرا» دەلىنگەن ورال قالالىق اكىمدىگى تاراتقان اقپارات پاراعىندا.

 

 

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار