سونىمەن قاتار, اسحات ايماعامبەتوۆتىڭ ايتۋىنشا, 2025 جىلعا قاراي گرانتتار سانى 75 000 ورىنعا دەيىن ارتادى. ال قوسىمشا 5 مىڭ ستۋدەنت تەگىن وقۋعا مۇمكىندىك الادى. ايتا كەتەيىك, ەندى ولاردى ۇپايلارعا قاراي ۇلەستىرەتىن بولادى.
«ەگەر بۇعان دەيىن ءبىز مەملەكەتتىك تىلدە جانە باسقا دا تىلدەردە كۆوتالار, گرانتتاردىڭ بەلگىلى ءبىر سانىن بولسەك, وندا وتكەن جىلى العاش رەت ودان باس تارتتىق جانە بيىل گرانت تاعايىنداۋ ناقتى جيناعان باللدارعا بايلانىستى بولادى. سەبەبى ورىس تىلىندە دە, اعىلشىن تىلىندە دە, قازاق تىلىندە دە سۇراقتاردىڭ مازمۇنى بىردەي. سوندىقتان بۇل جەردە تالاپكەردىڭ قانشا بالل جيناعانى عانا ەسكەرىلەدى, سوعان بايلانىستى ءتيىستى سەرتيفيكات الادى جانە ءبىلىم بەرۋ گرانتىن تاعايىنداۋ كونكۋرسىنا قاتىسادى», دەپ اتاپ ءوتتى بعم باسشىسى ورتالىق كوممۋنيكاتسيالار قىزمەتىندە جۋرناليستەردىڭ سۇراقتارىنا بەرگەن جاۋابىندا.
