ونىڭ ايتۋىنشا, ەلەكتروساموكاتتار ىشكى ىستەر ورگانىنىڭ عانا ەمەس, بارلىق مەملەكەتتىڭ باس اۋرۋىنا اينالدى. ولاردىڭ پايدا بولعانىنا كوپ ۋاقىت وتە قويعان جوق جانە ساموكاتتاردىڭ جىلدامدىقتارىنىڭ تەحنيكالىق سيپاتى دا ءار ءتۇرلى.
«بۇگىنگى كۇنى ساعاتىنا 80 شاقىرىم جىلدامدىقپەن جۇرۋگە قاۋقارلى ساموكاتتار دا بار. الايدا زاڭناماعا سايكەس, ولار جول كولىك قوزعالىسىنىڭ قاتىسۋشىلارى بولىپ سانالمايدى. ياعني جول كولىك ەرەجىسىندە ونداي ترانسپورت جوق. ويتكەنى ولار كولىك نورمالارىنا سايكەس كەلمەيدى, ارتقى, شەتكى كولىك قوزعالىسىن باقىلاۋعا مۇمكىندىك بەرەتىن اينالارمەن جابدىقتالماعان, دوڭگەلەكتەرىنىڭ ديامەترى, تەجەگىشتەرىنە قاتىستى سەرتيفيكاتتالعان تەحنيكالىق سيپاتتاما جوق», دەدى مينيستر.
سوندىقتان ەلەكتروساموكاتتارعا كولىك قوزعالىسىنا ارنالعان جولمەن جۇرۋگە تىيىم سالىنادى. جانە مۇنداي جاعداي ورىن السا ونىڭ يەسى اكىمشىلىك جاۋاپكەرشىلىككە تارتىلادى.
ءمينيستردىڭ ايتۋىنشا, ولارعا ۆەلوسيپەدكە ارنالعان جولمەن جانە تورتۋارلارمەن جۇرۋگە رۇقسات بەرۋ ماسەلەسى قاراستىرىلۋدا. قازىر وسى ماقساتتا جۇمىس توبى قۇرىلدى.
