«كوروناۆيرۋستىڭ ءۇندى شتامى قازىر ءبىزدى قاتتى الاڭداتىپ وتىر. ءتىپتى بۇل مۋتاتسيا يممۋنيتەتى مىقتى ادامدارعا دا جۇعادى. سوندىقتان ساقتىق شارالارىنا بەي-جاي قاراماڭىزدار. ونىڭ ۇستىنە قازىر قوعامدىق ءىس-شارالار, ءتۇرلى فەستيۆالدار مەن سپورتتىق تۋرنيرلەر كوپ ءوتىپ جاتىر», دەيدى ددسۇ ەۋروپا ايماقتىق بيۋروسىنىڭ ديرەكتورى حانس كليۋگە.
ۇندىستانداعى بيحار شتاتىنىڭ بيلىگى مىڭداعان ادامنىڭ كوروناۆيرۋستان كوز جۇمعانىن جاسىرىپ كەلگەن. باسىندا رەسمي دەرەكتە 5424 دەپ كورسەتىلگەن قۇرباندار سانى ءاپ-ساتتە 9 مىڭنان اسىپ كەتكەن.
بۇل جاعداي ايماق ورتالىعى پاتنا قالاسى سوتىنىڭ تالابى بويىنشا ۇكىمەت ىندەتتەن قايتىس بولعاندار تۋرالى مالىمەتتى تەكسەرگەننەن كەيىن بەلگىلى بولعان. ادامداردىڭ كوبى بوس ورىن تابىلماعان اۋرۋحانالاردىڭ سىرتىندا نەمەسە ۇيىندە جان تاپسىرعان. بىراق جەرگىلىكتى بيلىك بىلسە دە, ولاردى ەسەپكە الماعان.
