قر ەڭبەك جانە حالىقتى الەۋمەتتىك قورعاۋ ءمينيسترى كەلتىرگەن مالىمەت بويىنشا, تاريحي وتانىنا قايتىپ كەلگەندەر بۇگىندە حالىقتىڭ التى پروتسەنتىن قۇراپ وتىر. ياعني, تاۋەلسىزدىك جىلدارى ءبىر ميلليوننان استام قازاق اتامەكەنىنە ورالعان. ەڭبەك رەسۋرستارىمەن قامتاماسىز ەتۋ ماقساتىندا بيىل 1 234 قانداس پاۆلودار, 654-ءى سولتۇستىك قازاقستان, 700-دەن استامى شىعىس جانە قوستاناي وبلىستارىنا ورنالاستىرىلدى.
ءمالىم بولعانداي, قۇزىرلى ۆەدومستۆو كوشى-قون پروتسەسىن ءتيىمدى جۇرگىزۋ ماقساتىندا 2026-شى جىلعا دەيىنگى قازاقستاننىڭ كوشى-قون ساياساتىنىڭ جاڭا تۇجىرىمداماسىن قابىلداماق.
«تورەشىلدىك پەن اۋرە-سارساڭعا سالىنباس ءۇشىن قانداستارعا مەملەكەتتىك قىزمەت كورسەتۋ كەزىندە بارلىق راسىمدەر ءبىر تەرەزە قاعيداتى بويىنشا ىسكە اسىرىلاتىن بولادى», دەدى قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ.
