مۇنىمەن قوسا, دەمالىس ايماعىندا كۇشەيتىلگەن سانيتاريالىق-دەزينفەكتسيالىق رەجيم, تەرمومەتريا, بەتپەردە كيۋ ءتارتىبى جانە الەۋمەتتىك قاشىقتىق ساقتالاتىن بولادى.
كاسىپكەرلەر نەمەسە كەلۋشىلەردى دەمالىس جانە تۇرۋ ورىندارىندا ورنالاستىرۋعا جاۋاپتى تۇلعالارعا, سونداي-اق كولدىڭ تۋريستىك-رەكرەاتسيالىق ايماعىندا ورنالاسقان قىزمەت كورسەتۋشى وزگە دە وبەكتىلەرگە قونىستاناتىن دەمالۋشىلاردىڭ «جاسىل» جانە «كوك» ستاتۋسىن QR-كود نەمەسە جسن ارقىلى تەكسەرگەن كەزدە عانا جۇمىس ىستەۋگە رۇقسات ەتىلگەن.
شەتەل ازاماتتارىنىڭ ستاتۋسىن تەكسەرۋ ءۇي-جايعا كىرۋدى باقىلايتىن قىزمەتكەردىڭ «Ashyq» قوسىمشاسىنا پاسپورت ءنومىرىن ەنگىزۋ ارقىلى جۇزەگە اسىرىلادى. كەلۋشىلەر بەرىلگەن كۇنىنەن ءۇش تاۋلىكتەن اسپايتىن, تەرىس ناتيجەسى بار پتر ادىسىمەن جۇرگىزىلگەن زەرتحانالىق تەكسەرۋ تۋرالى قۇجاتتى (ەرىپ جۇرۋشىلەردە انىقتاما بولعان كەزدە 5 جاسقا دەيىنگى بالالاردى قوسپاعاندا) نەمەسە كوروناۆيرۋس ينفەكتسياسىنا قارسى ۆاكتسينالاۋدىڭ تولىق كۋرسىن العانىن راستايتىن قۇجاتتى ۇسىنعان كەزدە, ولار تۋريستىك-رەكرەاتسيالىق ايماق وبەكتىلەرىنە ءوز ستاتۋسىن تەكسەرمەي كىرە الادى.
سونىمەن قاتار ەڭبەككە ۋاقىتشا جارامسىزدىعىن راستايتىن قۇجاتتى ۇسىنعان ازاماتتاردىڭ دەمالىس ايماعىنا ستاتۋسىن تەكسەرمەي كىرۋىنە رۇقسات بەرىلەدى. «سارى» جانە قىزىل» ستاتۋسى بار جەكە تۇلعالارعا الاكول كولىنىڭ تۋريستىك-رەكرەاتسيالىق ايماعىنا كەلۋگە تىيىم سالىنادى.
شىعىس قازاقستان وبلىسىنىڭ باس مەملەكەتتىك سانيتاريالىق دارىگەرىنىڭ «شىعىس قازاقستان وبلىسىنىڭ بۇقتىرما سۋ قويماسىنىڭ, «الاكول» كولىنىڭ جانە «راحمان قاينارلارى» ءساناتوريىنىڭ تۋريستىك-رەكرەاتسيالىق ايماقتارىندا COVID-19 كوروناۆيرۋستىق ينفەكتسيا اۋرۋىنىڭ اكەلىنۋى مەن تارالۋىنىڭ الدىن الۋ جونىندەگى شارالار تۋرالى» 23 مامىرداعى قاۋلىسىنا سايكەس, الاكول كولىنىڭ جاعالاۋىنا كەلەتىن ازاماتتار ءۇشىن پتر ادىسىمەن COVID-19-عا مىندەتتى زەرتحانالىق تەكسەرۋ جۇرگىزۋ جانە ونىڭ ناتيجەلەرىن ۇسىنۋ تالابى قويىلمايدى.
ايتا كەتەيىك, «Ashyq» جوباسىنا قاتىساتىن تاسىمالداۋشىلاردى قوسپاعاندا, وبلىسارالىق جانە قالالىق تۇراقتى ەمەس (تۋريستىك) تاسىمالدار بەلگىلى ءبىر شەكتەۋلەرمەن جۇزەگە اسىرىلماق.
