ء«سابىز بويىنشا كارتوپتان دا قيىن جاعداي قالىپتاستى. قازىرگى ۋاقىتتا وتاندىق ءونىم قورى جىل باسىمەن سالىستىرعاندا 5 ەسە تومەندەدى. بۇل رەتتە جىل سايىن قازاقستاندا ءسابىز ءوندىرىسىنىڭ جەتىسپەۋشىلىگى بايقالادى, بۇل قاجەتتىلىكتىڭ 5-6 پايىزى», دەدى ساۋدا ءمينيسترى بۇگىنگى ۇكىمەت وتىرىسىندا.
ونىڭ ايتۋىنشا, نەگىزگى تاپشىلىق ساۋىردەن شىلدەگە دەيىنگى كەزەڭگە كەلەدى, ونى قازاقستان وزبەكستاننان قىمبات يمپورت ەسەبىنەن تولتىرۋعا ءماجبۇر.
«بۇل رەتتە وزبەكستاندا دا ءسابىز باعاسى جىل باسىنان بەرى 55%-دان استام ءوستى. ءسابىز بويىنشا وڭىرلەر دە قورلاردىڭ جەتكىلىكتى كولەمىن قالىپتاستىرعان جوق – تۇراقتاندىرۋ قورلارىندا بار بولعانى 258 توننا ساقتالۋدا. ءسابىز بويىنشا فورۆاردتىق ساتىپ الۋ قازىرگى ۋاقىتتا بۇكىل ەل بويىنشا 5,7 مىڭ توننانى قۇرايدى, ونىڭ 73%-ى تەك الماتى قالاسىنا تيەسىلى», دەيدى باقىت سۇلتانوۆ.
