ەكولوگيا • 09 ماۋسىم، 2021

ماڭعىستاۋدا سيرەك كەزدەسەتىن ءۇستىرت تەكەسى فوتوتۇزاققا ىلىكتى

168 رەت كورسەتىلدى

قىزىلساي اۋىلىنىڭ تۇرعىنى، وبلىستىڭ قاسيەتتى جەرى مەن كورىكتى ورىندارىن ارالاپ، ەكسكۋرسيا جۇرگىزىپ جۇرگەن باعدات بەسماعامبەتوۆ ءوزىنىڭ Instagram پاراقشاسىندا «قىزىل كىتاپقا» ەنگەن ءۇستىرت تەكەسىنىڭ سۋرەتتەرى مەن ۆيدەوسىن ءبولىستى، دەپ حابارلايدى Egemen.kz.

ونىڭ ايتۋىنشا، ول 7 ماۋسىمدا بەكەت-اتا جەراستى مەشىتى اۋماعىنان تاۋ تەكەسىنە تاپ بولعان.

«ادامدار ولارعا تيىسپەيدى. بۇعان ولار ۇيرەنىپ العان، قاشپايدى دا. مەن ءۇستىرت مۋفلونىن بەكەت-اتادا ءبىرىنشى رەت كەزدەستىرىپ تۇرعان جوقپىن»، دەپ جازدى باعدات بەسماعامبەتوۆ.

ءۇستىرت مۋفلونى (اتاۋ - ءۇستىرت تاۋ قويى) – قوشقارلار تۇقىمداسىنان تۋىندايتىن تۇياقتىلار. وتىرىقشى ءومىر سالتىن جۇرگىزەدى. الاسا ءشولدى تاۋلاردا بولادى. قازاقستاندا ۇستىرتتە كەڭىنەن مەكەن ەتەدى. قازاقستاننىڭ قىزىل كىتابىنا، سونداي-اق حالىقارالىق تابيعاتتى جانە تابيعي رەسۋرستاردى قورعاۋ وداعىنىڭ (IUCN) قىزىل تىزىمىنە ەنگىزىلگەن.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار