بۇگىندە ۇلتتىق پوشتا وپەراتورى 105 مەملەكەتپەن اۋە جولدارىمەن, 35 ەلمەن جەر ءۇستى كولىكتەرى ارقىلى پوشتا جونەلتىلىمدەرىمەن الماسادى. حالىقارالىق پوشتا بايلانىسىن اۋە جولدارى ارقىلى قالپىنا كەلتىرۋ ارقاسىندا سالەمدەمەلەردىڭ ءبىر ەلدەن ەكىنشىسىنە جەتكىزۋ مەرزىمى قىسقارادى.
بىلتىر كوپتەگەن ەلدە پاندەمياعا بايلانىستى شەكتەۋلەر ەنگىزىلىپ, بۇل ءوز كەزەگىندە حالىقارالىق سالەمدەمەلەردى جەتكىزۋ مەرزىمىنە اسەر ەتكەنى بەلگىلى. قازپوشتا اۋە جولدارىنان باسقا لوگيستيكالىق شەشىمدەردى قابىلداۋ ارقىلى پوشتا بايلانىسىن جۇزەگە اسىرۋعا ءماجبۇر بولدى. ونىڭ ىشىندە قۇرلىق شەكاراسى بار مەملەكەتتەرمەن اۆتوكولىك جانە تەمىرجول ارقىلى پوشتا بايلانىسى ورناتىلعان بولاتىن. قازىرگى تاڭدا قازپوشتا 140 مەملەكەتپەن حالىقارالىق پوشتا بايلانىسىن جۇزەگە اسىرادى.
ازىرگە كارانتيندىك شارالارعا بايلانىستى قازاقستاننان قىتايعا, موڭعولياعا, ليۆياعا, سيرياعا, بوليۆياعا, يەمەنگە جانە جاڭا گۆينەياعا حالىقارالىق پوشتا جونەلتىلىمدەرى ءالى دە ۋاقىتشا قابىلدانبايدى.
