ايماقتار • 09 ماۋسىم، 2021

توي ۇستىندە وق جاۋدىرعان ازامات جازالاندى

43 رەت كورسەتىلدى

الماتى وبلىسىندا تويدا اتىس ۇيىمداستىرعان ەر ادامعا جازا تاعايىندالدى. تالعار اۋداندىق سوتىنىڭ ءباسپاسوز قىزمەتى ونىڭ اكىمشىلىك جاۋاپكەرشىلىككە تارتىلعانىن ايتتى، دەپ حابارلايدى Egemen.kz.

«2021 جىلى 27 مامىردا «ايسۇلتان» مەيرامحاناسىندا بولعان ءىس-شارا بارىسىندا ازامات ا. قوعامدىق ءتارتىپتى بۇزىپ، RETAY PT-24 بەلگىسى بار تاپانشادان ءتورت رەت وق اتقانىن مويىندادى.

سوت قارالىمىندا سەنىمدى تۇردە قوعامدىق ءتارتىپتى بۇزۋمەن جانە قوعامعا دەگەن قۇرمەتسىزدىك تانىتقانى انىقتالدى. ساراپشىنىڭ قورىتىندىسىنا سايكەس RTAID-170900970 سەريالى زەرتتەۋگە ۇسىنىلعان RETA PT 24 تاپانشاسى اتىس قارۋى ەمەس، اتۋعا جارامدى 9 كاليبرلى سيگنالدىق تاپانشا ەكەنى انىقتالدى»، دەدى تالعار اۋداندىق سوتتىڭ ءباسپاسوز قىزمەتى.

سوتتا ا. جاساعان ىسىنە وكىنىپ، ءوزىنىڭ كىناسىن تولىقتاي مويىنداعان.

جازا تاعايىنداۋ كەزىندە سوت قۇقىق بۇزۋشى بۇرىن اكىمشىلىك جاۋاپكەرشىلىككە تارتىلماعانىن، قامقورلىعىندا كىشكەنتاي بالاسى بار ەكەنىن ەسكەرگەن.

سوتتىڭ 2021 جىلعى 7 ماۋسىمداعى قاۋلىسىمەن ا. قۇقىق بۇزۋشىلىق جاساعانى ءۇشىن كىنالى دەپ تانىلىپ، اكىمشىلىك كودەكستىڭ 434-بابىنىڭ 1 قاۋلىسى بويىنشا، 5 اەك - 13 890 تەڭگە مولشەرىندە ايىپپۇل تۇرىندە اكىمشىلىك جازا تاعايىندالدى. سوت شەشىمى ءالى ءوز كۇشىنە ەنگەن جوق.

جانسايا مۇراتبەك

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار