ۋاقىتشا ساناق جۇرگىزۋشى قىزمەتكەرلەر جينالعان دەربەس اقپاراتتى ەنگىزۋگە ارنالعان ارنايى ءموبيلدى قوسىمشاداعى پلانشەتتە جۇمىس ىستەيدى.
ارالاۋ كەزىندە ينتەرۆيۋەرلەردىڭ وزىمەن بىرگە فوتوسۋرەتى بار كۋالىگى بولادى. بۇل تۋرالى ۇلتتىق ستاتيستيكا بيۋروسىنىڭ رەسمي وكىلى ولجاس سايلاۋبەك ۇلى ايتتى. بۇدان بولەك, ولاردى حالىق ساناعىنىڭ سيمۆوليكاسى بار كوك ءتۇستى ارنايى قورجىنمەن قامتاماسىز ەتەدى.
ەستەرىڭىزگە سالا كەتەيىك, بيىل ۇلتتىق ساناقتى جۇرگىزۋ جۇمىستارى 1 قىركۇيەكتەن 30 قازانعا دەيىنگى ارالىقتا وتەدى. وعان ونلاين رەجيمىندە دە, ءداستۇرلى تاسىلمەن دە قاتىسۋعا بولادى.
