8 ماۋسىم كۇنى ساعات شامامەن 22.50-دە شۋ اۋدانىنىڭ 37 جاستاعى تۇرعىنىنان شۋ اۋداندىق پوليتسيا بولىمىنە شاقىرتۋ تۇسكەن. ايەل ازاماتتىق نەكەدەگى كۇيەۋىمەن اراسىندا جانجال بولعانىن حابارلاعان.
شاقىرتۋ بويىنشا وقيعا ورنىنا بارعان ۋچاسكەلىك پوليتسيا ينسپەكتورىنا 27 جاستاعى ەر ادام بىرنەشە رەت پىشاق سۇعىپ, وقيعا ورنىنان قاشىپ كەتكەن. پوليتسيا قىزمەتكەرى شۋ قالالىق اۋرۋحاناسىنا جەتكىزىلدى. قازىرگى ۋاقىتتا ونىڭ دەنساۋلىعىنا قاۋىپ ءتونىپ تۇرعان جوق.
«دەرەك بويىنشا «سيرەنا-1», «توسقاۋىل» جوسپارلارى جاريالانىپ, ىزدەستىرۋ جۇمىستارىنا پوليتسيا دەپارتامەنتى جانە شۋ, قورداي, مويىنقۇم, ت.رىسقۇلوۆ اۋداندىق پوليتسيا بولىمدەرىنىڭ جەكە قۇرامى جۇمىلدى. جەدەل-ىزدەستىرۋ شارالارى بارىسىندا كۇدىكتى ءىزىن سۋىتپاي شۋ اۋدانىنىڭ العا اۋىلىنان ۇستالدى. ونىڭ جەڭىل دارەجەدە ماس بولعانى انىقتالدى. ەر ادام شۋ اۋداندىق ۋاقىتشا ۇستاۋ يزولياتورىنا قاماۋعا الىندى», دەدى جامبىل وبلىسى پوليتسيا دەپارتامەنتىنىڭ باستىعى جانات سۇلەيمەنوۆ Facebook-پاراقشاسىندا.
قر قك-نىڭ 380-1-بابى, 1-بولىگى «بيلىك وكىلىنە قاتىستى كۇش قولدانۋ» بويىنشا سوتالدى تەرگەۋ جۇرگىزىلىپ جاتىر.
