باسقارما مالىمەتىنشە, قازىر الماتىدا «سپۋتنيك V» ۆاكتسيناسىنىڭ ەكىنشى كومپونەنتى جەتكىلىكتى دەڭگەيدە. ماسەلەن, 4 ترانشتان – 446, 5 تارنشتان – 634, 6 ترانشتان – 2091, 7 ترانشتان – 7152 دوزا قالعان.
«قالا بويىنشا «سپۋتنيك V» ۆاكتسيناسىنىڭ ەكىنشى كومپونەنتى №4 قالالىق ەمحانادا, Mega ويىن-ساۋىق ورتالىعىندا, №29 قالالىق ەمحانادا جانە وزگە دە مەديتسينالىق ۇيىمداردا بار. ەكپە سالۋ ورىندارىندا ۆاكتسينانىڭ ءبىرى ءبىتىپ قالسا, ناۋقاس باسقا ۆاكتسينا پۋنكتىنە جىبەرىلەدى», دەپ حابارلادى ۆەدومستۆادان.
قالا بويىنشا كۇنىنە 1200-3000 دەيىن ادام ۆاكتسينانىڭ 1 جانە 2-ءشى كومپونەنتىن سالدىرادى. باسىم كوپشىلىگى ۆاكتسينانىڭ 2-ءشى كومپونەنتىن الىپ جاتىر. 2-ءشى كومپونەنتتىڭ قوردا تۇرعان 13 688 دوزاسى 6-7 كۇنگە عانا جەتەدى. مەديتسينا ورتالىعىنىڭ كوپشىلىگىندە 30-دان 300-گە دەيىن عانا دوزا بار.
«45 سەريا بويىنشا ساپا جانە قاۋىپسىزدىك سەرتيفيكاتى اكەلىندى. سوندىقتان بۇگىننەن باستاپ «سپۋتنيك V» ۆاكتسيناسى ەكىنشى كومپونەنتىنىڭ 36 مىڭ دوزاسى الماتىنىڭ ەكپە ورىندارىنا جەتكىزىلەدى», دەپ ءتۇسىندىردى باسقارماداعىلار.
