تەننيس • 09 ماۋسىم، 2021

جارتىلاي فينالعا شىقتى

26 رەت كورسەتىلدى

قازاقستاندىق تەننيسشىلەر الەكساندر بۋبليك پەن اندرەي گولۋبەۆ رولان گار­روس ءتۋرنيرىنىڭ جۇپتىق باسەكەسىندە جارتىلاي فينالعا جولداما الدى.

قازاقستاندىق جۇپ فرانتسيا اشىق چەم­پيوناتىنىڭ شيرەك فينالىندا موناكولىق حيۋگو نيس پەن گەرمانيالىق تيم پيۋتسپەن كۇش سىناستى. ا.بۋبليك پەن ا.گولۋبەۆ ماتچتى بىردەن برەيكپەن باستادى – 2:0. كەيىننەن جەرلەستەرىمىز تاعى ءبىر برەيك جاساپ، ەسەپتى 5:2-گە جەتكىزدى. بۇدان كەيىن موناكولىق-گەرمانيالىق جۇپ ەسەپتى قىس­قارتقانىمەن، سەت قازاقستاندىقتاردىڭ ەنشىسىندە كەتتى – 6:4. جەرلەستەرىمىز ەكىنشى سەتتە دە 2:0 ەسەبىمەن العا شىعىپ الدى. ماتچ سو­ڭىنا دەيىن وسى باسىمدىقتى ساقتاپ قالعان قازاق­ستاندىق جۇپ كەزدەسۋدى ءساتتى اياقتادى – 6:4. باسەكە 1 ساعات 16 مينۋتتا اياقتالدى. ا.بۋبليك پەن ا.گولۋبەۆ فينالعا شىعۋ ءۇشىن يسپانيالىق پابلو اندۋحار جانە پەدرو مارتينەسپەن شەبەرلىك بايقاسادى.

سونىمەن قاتار ەلەنا رىباكينا دا جۇپ­تىق سىندا ءتۋرنيردىڭ شيرەك فينالىنا شىق­تى. قازاقستاندىق تەننيسشى رەسەيلىك اناس­تاسيا پاۆليۋچەنكوۆامەن بىرگە ءۇشىنشى اينالىمدا امەريكالىق نيكول مەليچار مەن نيدەرلاندتىق دەمي ءسحيۋرستى 6:4، 6:3 ەسەبىمەن جەڭىپ، جارىستىڭ ءتورتىنشى اينالىمىندا ويناۋعا مۇمكىندىك الدى. قازاقستاندىق-رە­سەيلىك جۇپ جارتىلاي فينالعا ءوتۋ ءۇشىن پول­شا وكىلى ماگدا لينەتت پەن امەريكالىق بەر­ناردا پەرامەن شەبەرلىك بايقاسادى.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار