ايماقتار • 08 ماۋسىم، 2021

جازاسىن وتەۋشىلەر «سپۋتنيك-V» ۆاكتسيناسىن سالدىردى

608 رەت كورسەتىلدى

شىعىس قازاقستان وبلىسى بويىنشا قاج دەپارتامەنتىنىڭ زايسان اۋداندىق پروباتسيا قىزمەتىندە جازاسىن وتەۋشى سوتتالعان ازاماتتار كوروناۆيرۋسقا قارسى «سپۋتنيك-V» ۆاكتسيناسىن سالدىردى، دەپ حابارلايدى Egemen.kz.

ايتا كەتەيىك، ۆاكتسينانى سالدىرماس بۇرىن اۋداندىق مەديتسينا قىزمەتكەرلەرى ءاربىر سوتتالعان ازاماتتىڭ دەنە قىزۋى مەن قان قىسىمىن ولشەپ، مىندەتتى مەديتسينالىق تەكسەرىستەن وتكىزدى. بۇدان بولەك، اتالعان ەكپە ەگۋ جۇمىستارى بارىسىندا تاجىريبەلى دارىگەر، پسيحولوگ، يممۋنولوگ، مەدبيكە سىندى ماماندار جۇمىس ىستەدى.

«جالپى، كوۆيدكە قارسى ەكپە سالدىرعانداردىڭ اراسىندا جاناما اسەر بايقالماعان. ۆاكتسيناتسيالاۋ جۇمىستارى ەرىكتى تۇردە جۇرگىزىلگەن، سوتتالعانداردىڭ جاعدايى بىرقالىپتى. جازاسىن وتەۋشىلەر دە ىندەتتەن قورعاۋدىڭ ازىرگە جالعىز جولى – ۆاكتسينا سالدىرۋ ەكەنىن جەتە تۇسىنەدى. پروباتسيا قىزمەتىنىڭ قىزمەتكەرلەرى تاراپىنان دا ءتيىستى دەڭگەيدە تۇسىندىرمە جۇمىستارى جۇرگىزىلدى»، دەيدى ءبولىم ينسپەكتورى ە.احمەتزاكيەۆ

سوڭعى جاڭالىقتار

ۇقساس جاڭالىقتار