سينوفارم كومپانياسىنىڭ پرەپاراتى قىتايدا ارنايى كلينيكالىق سىناقتان وتكەن.
سونداي-اق حەبەي پروۆينتسياسىندا كوروناۆيرۋس ىندەتى ءورشىپ كەتكەن كەزدە 3 جاستان اسقان 60 مىڭ جەتكىنشەككە ەكپە سالىندى. سوندا ۆاكتسينا جوعارى تيىمدىلىگى مەن قاۋىپسىزدىگىن كورسەتتى. بۇل قىتايدا توتەنشە جاعدايدا بالالارعا قولدانۋعا رۇقسات ەتىلگەن ەكىنشى پرەپارات. الايدا ازاماتتاردىڭ وسى توبىن ۆاكتسينالاۋدىڭ ناقتى جوسپارىن دەنساۋلىق ساقتاۋ مينيسترلىگى قۇرادى.
ازىرگە ەرەسەكتەرگە ەكپە سالۋعا باسىمدىلىق بەرىلىپ وتىر. بۇگىنگى كۇندە قىتايدا 800 ميلليونعا جۋىق ەكپە سالىنعان.
