قر ءىىم ماقان ەسبولاتوۆ اتىنداعى الماتى اكادەميا باستىعىنىڭ ورىنباسارى جانات ءدىلبارحانوۆانىڭ ايتۋىنشا, سوڭعى كەزدەرى ينتەرنەت, تەلەفون, ۆاتساپ الاياقتارى كوبەيگەن. قىلمىس الەمى ەندى ونلاين رەجيمدە جۇرتتى الداۋعا كىرىستى. قاشىقتا وتىرىپ قاراپايىم ادامداردى سان سوقتىراتىن قىلمىسقا قارسى كۇرەسۋ ءۇشىن اكادەميادا ماماندار دايارلانا باستادى. مۇنداي شەشىم بىلتىر قابىلداندى.
ەندى پوليتسيا قىزمەتكەرلەرى قوعامدىق ءتارتىپتىڭ كۇزەتشىلەرى عانا ەمەس, باعدارلاماشى دا بولادى. ولاردى ءتۇرلى حاكەرلەرمەن قالاي كۇرەسۋگە ۇيرەتپەك.
«تەحنولوگيا كۇن سايىن وزگەرىپ جاتقان قازىرگى زاماندا كيبەرقىلمىسپەن كۇرەسۋ وتە ماڭىزدى بولىپ وتىر», دەيدى جانات ءدىلبارحانوۆا.
سونىمەن قاتار ول اتالعان قىلمىسپەن كۇرەس ماماندىعىنا تاجىريبەسى بار كادرلار تارتىلىپ وتىر. ولاردى دايىنداۋعا باسقا دا ۇيىمدار مەن مەكەمەلەر اتسالىسادى.
