بۇل تۋرالى ازاماتتىق اۆياتسيا كوميتەتىنىڭ توراعاسى تالعات لاستاەۆ اۋەجايدىڭ 90 جىلدىق مەرەيتويىنا ارنالعان اۆياتورلار اللياسىنىڭ اشىلۋ سالتاناتىندا ايتتى.
«وكىنىشكە قاراي ازاماتتىق اۆياتسيا پاندەمياعا بايلانىستى ەڭ كوپ زارداپ شەككەن سالالاردىڭ ءبىرى بولدى. بىراق وسى جىلدىڭ باسىنان بەرى ۇشۋلار قالپىنا كەلىپ, نەگىزگى كورسەتكىشتەردە ازداعان ءوسىم بايقالىپ وتىر.
جىل باسىنان بەرى رەيستەر سانى 47 پايىزعا جەتىپ, 2,5 ملن ادامدى قامتىدى. اۋەجايدىڭ قىزمەت كورسەتەتىن جولاۋشىلار سانى 39 پايىزعا نەمەسە 4,6 ملن ادامعا ارتتى. بۇگىنگى تاڭدا بۇكىل قازاقستان بوينىشا ىشكى رەيستەر تولىق جانداندى», دەدى ازاماتتىق اۆياتسيا كوميتەتىنىڭ توراعاسى.
سونداي-اق كوميتەت باسشىسى حالىقارالىق رەيستەردىڭ جايى تۋرالى دا مالىمەت بەردى.
«حالىقارالىق رەيستەر تۋرالى ايتساق, 14 ەلمەن بايلانىس بار. ونىڭ ىشىندە تۇركيا, بىرىككەن اراب امىرلىكتەرى, وزبەكستان, رەسەي, قىرعىزستان, بەلارۋس, ۋكارينا, گەرمانيا, گرۋزيا, تاجىكستان, وڭتۇستىك كورەيا, ەگيپەت, نيدارلاند جانە چەرنوگوريا بار.
بۇگىنگى تاڭدا كوميسسيا قوسىمشا شەشىم شىعاردى. تۇركيا باعىتىندا انتالياعا باراتىن رەيستى كوبەيتەمىز. سونداي-اق ۋكراينا مەن تاجىكستانعا قاتىنايتىن رەيستەردى كوبەيتۋ بويىنشا جۇمىس ىستەپ جاتىرمىز», دەدى تالعات لاستاەۆ.
