ول 2021 جىلدىڭ 1 ماۋسىمىنان باستاپ رەسپۋبليكالىق ورتالىق اسكەريلەندىرىلگەن توتەنشە جاعدايلار قىزمەتى شتابى (رۆچ پۆاسس) باقىلاۋ كەڭەسى توراعاسىنىڭ ورىنباسارى بولىپ تاعايىندالدى.
ۆلاديمير بوجكو 1971 جىلى لەنين اتىنداعى قازاق پوليتەحنيكالىق ينستيتۋتىن, 1976 جىلى كسرو كگب جوعارى كۋرستارىن «تاۋ-كەن جۇمىستارىن ەلەكترلەندىرۋ جانە اۆتوماتتاندىرۋ»; «وپەراتسيالىق قۇرام» ماماندىعى بويىنشا بىتىرگەن.
ءار جىلدارى قازاقستان رەسپۋبليكاسى ۇلتتىق قاۋىپسىزدىك كوميتەتى جۇيەسىندە جەتەكشى قىزمەتتەر اتقارعان بولاتىن. وعان قوسا گەنەرال-لەيتەنانت شەنى بار.
2007-2014 جىلدار ارالىعىندا ۆلاديمير بوجكو توتەنشە جاعدايلار مينيسترلىگىن باسقاردى, ال 2016 جىلى ءماجىلىس توراعاسىنىڭ ورىنباسارى قىزمەتىنە سايلاندى.
وتان الدىنداعى ەرەكشە قىزمەتى ءۇشىن I دارەجەلى «بارىس», II دارەجەلى «ايبىن» وردەندەرىمەن, كسرو, قازاقستان رەسپۋبليكاسىنىڭ جانە شەت ەلدەردىڭ 43 مەدالىمەن ماراپاتتالعان.
جانسايا مۇراتبەك
