قولى قانعا بويالعان جۇمىسشىنى كورشى ۇيدە تۇراتىندار ۆيدەوعا ءتۇسىرىپ العان. ول قىلمىس جاساعاننان كەيىن ايقايلاپ جۇرتشىلىقتىڭ مازاسىن العان كورىنەدى. وقيعا 5 ماۋسىم كۇنى تۇرعىن ءۇي كەشەنىندەگى پاتەرلەردىڭ بىرىندە بولعان. جالدامالى قۇرىلىسشىلار جوندەۋ جۇمىستارىن جۇرگىزۋ بارىسىندا بىرگە وتىرىپ ىشىمدىك ءىشىپتى. ارتىنان ارالارىندا كيكىلجىڭ تۋىنداپ, 37 جاستاعى جىگىت سەرىكتەسىنىڭ كەۋدەسىنە پىشاق سۇعىپ العان. اۋىر جاراقات العان ازامات وقيعا ورنىندا ءتىل تارتپاي كەتكەن.
«قازىرگى تاڭدا مەدەۋ اۋداندىق پوليتسيا باسقارماسىنا قاراستى پولتسيا بولىمشەسىندە قىلمىستىق كودەكستىڭ 99 بابىنىڭ ءبىرىنشى تارماعى بويىنشا قىلمىستىق ءىس قوزعالدى. سۋىت حابار كەلە سالىسىمەن وقيعا ورنىندا پاترۋلدىك پوليتسيا قىزمەتكەرلەرى كۇدىكتىنى ۇستادى. كۇدىكتىنىڭ الكوگولدى ىشىمدىك ىشكەنى انىقتالدى», دەيدى پوليتسيا دەپارتامەنتىنىڭ رەسمي وكىلى سالتانات ازىربەك.
