سوتقا قاتىسقان 6 القابيدىڭ تورتەۋى مۋرتۋزالي مەدجيدوۆتى كىناسىز دەپ تانىدى. الگى شەشىمگە ساي ايىپتالۋشىنى سوت زالىنان بوستاندىققا جىبەردى. مەدجيدوۆ ادۆوكاتتارى بۇگىن تاعى ءبىر سوت وتىرىسى ءوتۋى ءتيىس ەكەنىن جەتكىزدى. وندا القابيلەردىڭ شەشىمى تالقىلانادى. جاۋاپكەرشىلىكتى القابيلەر وزىنە الدى.
ەستەرىڭىزگە سالا كەتەيىك, 2018 جىلدىڭ ءساۋىر ايىندا ماسكەۋدىڭ حالىقارالىق قاتىناستار مەملەكەتتىك ينستيتۋتىنىڭ جانىنان جاراقاتى بار 21 جاستاعى قازاقستاندىق ستۋدەنت قىز تابىلادى. دەرەۋ سكليفوسوۆسك اتىنداعى ۇلتتىق زەرتتەۋ ينستيتۋتىنا اۋىر حالدە جەتكىزىلەدى. الايدا ول كوپ ۇزاماي قايتىس بولادى. كۋاگەرلەردىڭ ايتۋىنشا, قايعىلى وقيعاعا دەيىن ول ۋنيۆەرسيتەتتىڭ 4-ءشى قاباتىندا مۋرتۋزالي مەدجيدوۆپەن سوزگە كەلىپ قالعان.
باستاپقىدا ءتوميريستىڭ ءولىمى ءوز-وزىنە قول جۇمساۋعا ماجبۇرلەۋ بابى بويىنشا تەكسەرىلگەن. بىراق كەيىن ءىس كىسى ءولىمى بابىنا الماستىرىلادى. ال بيىل ناۋرىز ايىندا ءتوميريستىڭ شەشەسى پرەزيدەنت قاسىم-جومارت توقاەۆقا رەسەي تاراپىنا سوتتىڭ ادىلەتتى ءوتۋىن جانە القابيلەر سوتىنا قىسىم كورسەتىلمەۋىن جەتكىزۋدى سۇراعان ەدى.
