ونىڭ ورىندالعانى – 134 483, ال 2602-سى ورىندالۋ ۇستىندە. مىسالى, ايتا كەتۋ كەرەك, سوڭعى مامىر ايىنىڭ وزىندە ورتالىققا 18 176 تۇرعىن حابارلاسقان. ونىڭ 17 195 ارىزى ورىندالىپ, شەشىمىن تاپقان بولسا, قالعان 981 سۇراق ءتيىستى سالا ماماندارىنىڭ قاراۋىندا تۇر.
ورتالىق باسشىسى ا.امىرتاەۆتىڭ ايتۋىنشا, تۇرعىندار تاراپىنان قويىلاتىن سۇراقتاردىڭ باسىم بولىگى قوعامدىق كولىك, جول ينفراقۇرىلىمى, قاتتى تۇرمىستىق قالدىقتار, جۇمىسپەن قامتۋ, الەۋمەتتىك قورعاۋ, تۇرعىن ءۇي جانە قۇرىلىس سالالارى باعىتىندا.
شاعىمدانۋشىلاردان وزگە, كەڭەس الۋ ءۇشىن حابارلاساتىندار دا بار. ولاردىڭ ءبىرى قوعامدىق كولىكتەردىڭ باعىتتارىن سۇراسا, كەيبىرى انىقتامالىق رەتىندە نومىرلەر سۇراپ جاتادى. iKomek 109 ورتالىعىنىڭ جۇيەلى جۇمىسىنىڭ ناتيجەسىندە 408 كارىز جۇيەسى, 51 شاتىر, 77 ليفت جوندەلگەن. سونىمەن بىرگە 82 ەكولوگيالىق ماسەلە شەشىمىن تاپقان.
