ايماقتار • 07 ماۋسىم، 2021

الماتىدا 11 مەديتسينالىق مەكەمە قالىپتى جۇمىس رەجيمىنە اۋىستى

28 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنباەۆ وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا كوروناۆيرۋستىق ينفەكتسياسى بار ناۋقاستارعا مەديتسينالىق كومەك كورسەتۋ ءۇشىن دەنساۋلىق ساقتاۋ ۇيىمدارىنىڭ قالىپتى جۇمىس رەجيمىنە اۋىسقانى تۋرالى مالىمدەدى، دەپ حابارلايدى Egemen.kz.

الماتىدا بۇقار جىراۋ قالالىق بالالار كلينيكالىق اۋرۋحاناسى، جەدەل مەديتسينالىق كومەك كورسەتۋ اۋرۋحاناسى، حالىق ارەنا تسف، پسيحيكالىق دەنساۋلىق ورتالىعى، تج اۋرۋحاناسى، وتان سوعىسى مۇگەدەكتەرىنە ارنالعان رەسپۋبليكالىق كلينيكالىق گوسپيتال، حبو، №1 پەرزەنتحانا، قالالىق كارديولوگيالىق ورتالىق، №1 قالالىق كلينيكالىق اۋرۋحانا، قورعانىس مينيسترلىگىنىڭ گوسپيتالى جابىق رەجيمدە جۇمىس ىستەپ جاتىر.

«14 ماۋسىمنان باستاپ ورتالىق قالالىق كلينيكالىق اۋرۋحانانىڭ كوۆيدتىك ستاتسيونارلارىن، قالالىق كلينيكالىق جۇقپالى اۋرۋلار اۋرۋحاناسىنىڭ بايزاقوۆ كوشەسىندەگى فيليالىن جابۋ جوسپارلانىپ وتىر. بۇل ستاتسيونارلار قالىپتى جۇمىس رەجيمىنە كوشەتىن بولادى»، دەپ حابارلادى ن. تابىنباەۆ، سونداي-اق بارلىق ەمحانالار مەن اۋرۋحانالارعا دەزينفەكتسيا جۇرگىزىلەدى.

ءباسپاسوز كونفەرەنتسياسى بارىسىندا ن. تابىنباەۆ بۇگىندە الماتىدا كوروناۆيرۋستىق ينفەكتسيانىڭ 70 786 جاعدايى تىركەلگەنىن، ونىڭ ىشىندە 54 846 سيمپتومدى، 15 940 سيمپتومسىز، 1 809 انىقتالماعان پنەۆمونيا جاعدايلاردىڭ تىركەلگەنىن ايتتى. 66 945 ادام كۆي-دەن جازىلىپ شىقتى.

«قازىرگى كەزدە ينفەكتسيالىق ستاتسيونارلاردا 1258 ادام ەمدەلىپ جاتىر. قالادا بارلىعى 3640 توسەك-ورىن بار»، دەدى ن. تابىنباەۆ.

جەدەل مەديتسينالىق كومەكتى شاقىرۋ دەڭگەيى تاۋلىگىنە 1850-1930 ارالىعىندا. اۋرۋحاناعا جاتقىزۋ دەڭگەيى 190-200-دەن (مامىر ايىنىڭ ورتاسىنان) تاۋلىگىنە 80-90-عا دەيىن تومەندەدى. وتكەن تاۋلىكتە 54 ناۋقاس اۋرۋحاناعا جاتقىزىلدى.

ن. تابىنباەۆتىڭ حابارلاۋىنشا، وسىعان بايلانىستى ەپيدەميولوگيالىق احۋال تۇراقتانسا، كوۆيدتى ناۋقاستاردى دەگدار قالالىق كلينيكالىق جۇقپالى اۋرۋحاناسىنا، سايالى مەن تەرەكتى شاعىن اۋداندارىنداعى ءمودۋلدى ستاتسيونارلارعا جاتقىزۋ جوسپارلانعانىن ايتتى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار